5. Şifahi və yazılı ədəbiyyatda lirik növün geniş yayılmış janrıdır. Dördmisralıq şeirdir. Bayatıların sabit forma xüsusiyyətləri var. Hər misrası 7 hecalı olur. Qafiyə quruluşu a.a.b.a şəklindədir. Əsas fikir üçüncü və dördüncü misralarda ifadə olunur. Əsasən, “Mən aşiq”, “Aşiqəm”, “Eləmi”, “Əziziyəm”, “Əzizim” ifadələri ilə başlayır; məsələn:
Əzizim suda yandı,
Sel kəsdi, su dayandı.
Eşq oduna su tökdüm,
Alışdı, su da yandı.
Bayatılar daha çox məhəbbət mövzusunda olsa da, sosial-fəlsəfi, əxlaqi-tərbiyəvi məzmunlu da çoxdur. Sarı Aşıq, Xəyyat Mirzə, Ş.i.Xətai, M.Əmani, Q.Zakir kimi şairlər çoxlu bayatı müəllifidirlər.