18. hərhalda mənim üçün hamıdan daha çox əzablı olan proses. saçlarım buruqdu(uzun buruq, çoxlu qısa buruq olan tipdən deyil) , saç xəttim yanlardan biraz geridi və saçlarım çox gec uzanır. əgər siz də məndəki bu lənətlərdən bir və ya bir neçəsinə sahibsinizsə onda bu entry sizdə fikir yarada bilər saç uzatma barədə.

saçlar çox gec çıxdığından həmişə bərbərə 2-3 aydan bir getmişəm, yanlar və arxa qısa orta və ön isə onlardan azca uzun olurdu. lakin ən problemli yer də burasıdır, çünki saçı isladıb açanda göz hizasına gəlirdi, düz saç üçün bir çox insana kifayət qədər uzun sayıla biləcək bu saç quruyub burulduqda 2 3 cm uzunluğunda görünürdü. və biraz uzanan kimi həm atamın "yeri get kəsdir" təkidləri, həm də başın əcaib görünməsindən dolayı mən də gedib kəsdirirdim. 2024də isə saçımın töküldüyünü düşünməyə başlamışdım, saç xəttim geriləmişdi. buna görə də depressiyaya düşdüm bir müddət,* 2 il keçib hələ də eynidi, indi ağıl edib uşaqlıq şəkillərinə baxanda görürəm ki o vaxtlar da belə olubmuş lakin bundan sonra necə deyərlər hər şeyə tüpürüb 2024ün iyulunda saçı 0a vurdum və "bundan sonra kəsdirmək yoxdu için skm" deyərək qoyuldum bu yola. saçın önü o qədər gec çıxırdı ki, yanlar və arxalar çox uzanaraq eybəcər qalırdı və məcburən hər 6 həftədən bir kəsdirməli olurdum. ön hissə biraz uzananda isə burulurdu ki bu da bütün uzanmanı yenə pox gününə salırdı. iyuldan yanvara qədər arxa və yanlar dəfələrlə kəsilmiş, ön hissə isə yenə çox pis qalırdı. düşünün, atamın mənə "uzanıb, get kəsdir" deməsi üçün saçımı 0a vurduğum gündən 9 ay kimi bir vaxt keçməli idi. həmişə uzunsaç barədə oxuduğum " 5-6 aylıq o iyrənc dönəmi dözün, sonrası əla olacaq" sözləri məni çox qaza gətirirdi, amma bir kopoğlu çıxıb buruqsaç təcrübəsindən yazmırdı ki bunu. o dönəm mənim üçün "8 ay və sonrası" şəklində idi. düşünün, hər başı isladanda saçı ölçürəm: bir ara burnuma gəlir, sonra dodağıma, amma saçın önü hər uzananda daha da çox burulub özünü yenə kiçildir. əsəbdən dəli olurdum, amma girmişik bir dəfə bu yola, dönmək yoxdu. saçın ortaları isə çox qabarıq qalır, başı yekə göstərirdi. arxanı uzun müddət kəsmədim, yaxşı burulurdu amma saçın lap aşağı hissəsi kobud qaldığından məcbur kəsdim. yanları da mütəmadi kəsirdim. hardasa 2025in avqustunda artıq ön hissə burulmasına rəğmən uzun qalmağa başlayırdı, hardasa gözümə qədər gəlirdi saçım. o anda artıq "yanları da uzatmaq lazımdır " dedim və yanları daha kəsmədim. an etibarilə o gündən 6 ay, ilk başlanğıcdan isə 19 ay keçib və saçım açılanda çənəmdən bir az daha aşağı səviyyədədir, yanlar isə burulacaq qədər uzanıb. arxanı da uzadıram artıq ona da dəymirəm. həmişə saçımın önünü elə düz, alnıma tökürdümsə(başqa şəkil iyrənc qalırdı), artıq burulmuş halı gözümü keçdiyindən yanlara ayırmalı oluram. hədəfim olan (bax: carles puyol)

saçına biraz daha yaxınlaşmışam, hətta təzə tanış olunan bir adamın məni ilk puyola bənzətməsi daha da sevindirmişdir -*


indi gələk insanların düşüncələrinə və qıraqdan yaranan görüntüyə. deməli saçlar çox uzun hala gəlib yandan tökülüncəyədək başın yekə görünməsi qaçınılmazdır. belə ki düz saçlı brolarımızdan fərqli olaraq biz buruqsaçlıların saç ayırması, və ya ağ atlı şahzadə triplərinə girməsi çox daha çətindir, zira buruq saç yanda qalmağa meyilli deyil. saçı necə gəldi fenləyəndə baş (bax: albert einstein)

in başına oxşuyur, ona görə də bütün saç telləri uyğun uzunluqda olmalı və altdaki saçlar üstdəkiləri dəstəkləməlidir ki saç sabit dura bilsin. sözün düzü çox saç kremi və digər kosmetik vasitələr istifadə etməmişəm, təkcə bu aralar saçı fenləyərkən (baxma: heat protector) almağı düşünürəm. saç ürünleri barədə məsləhətlərə açığam -*

qayıdaq mövzuya, saç biraz uzandımı vəssalam, insanlar "quş yuvasına oxşuyur"
və ya
"bu nədi ala, get kəsdir kobud görünür" deməyə başlayır, həddən artıq adam həm də.
"neynirsən elə qətiyyən o buruqlara dəymə" deyən köhnə sevgilim belə saçımın uzadılma dönəmində
"sən canı get kəsdir" demişdir, bu da bu işin buruqsaçlılar üçün səbrdən əlavə dəhşət psixoloji dözümlülük tələb etdiyini göstərir -*
qohumlar, rayon söhbətlərinə girmirəm belə, mən hər ortama girəndə hərkəs susar, ortayaşlı və yaşlı kişilər ya səsli ya da səssiz qınamağa, qızların bəziləri gülməyə bəziləri isə gizlin gizlin baxmağa başlayar. çox çətin günlər idi sözlük, çox.
amma hər şey bu qədər bərbad deyil əlbəttə. saçı bəyənən də çox olur, zira uzun və sağlam, hələ bir də parlaq görünən buruqların ləzzət elədiyi adam da az deyil. çeçenka təsbeh qaqaş tərəfindən yeni il gecəsi qırağa çəkilib dava moduna hazırlaşmışkən " qaqa saçlarını perma eləmisən? mən də eləmək istəyirəm amma bilmirəm yaxşı durar ya yo" sualıyla qarşılaşıb iç çəkdirmişliyi də vardır canım saçlarımın mənə. bu qulaqların hələ polis tərəfindən yolda qırağa çəkilib
" saçın keratindi qaqaş?"
sualını eşitmişliyi də vardır. "perma demək istədin yəqin, yox, zavoduskoydu(day necə yazılırsa)" deyib yoluma davam etmişdim. hələ polis özü də qısasaç idi ,kimə desəm inanmır, ətağa olan söhbətdi.

metroda, avtobusda və digər bir çox ortamda bir çox baxışın üzərinizdə olacağını hiss edəcəksiniz, amma bunun dünənki bərbad saç rutinindən mi yoxsa mükəmməl görünən buruqlardan mı olduğunu anlamaq çox zaman və təcrübə tələb edəcək, orası ayrı.
saçınız tez uzanırsa uzadın, gec uzanırsa mütləq uzadın. saçını uzatmadan ölmüş insanın həmişə ürəyinin bir hissəsi boş qalmışdır. öpülürsüz.