2. 1. Yal sözü atın (və bəzi heyvanların) boynunun üst hissəsində bitən uzun tüklərə deyilir. Nümunə:
Əli ilə atın üzünü, gözünü, yalını, sağrısını tumarladı. (“Koroğlu” dastanı).
Məcazi mənada isə saç, saqqal mənasında (zarafatla deyilir). Nümunə:
Gündə həna bağlagilan yalına; Açma gözün, baxma bir öz halına. (Ə.Qəmküsar).

2. Coğrafi mənada. Hündür bir yerin təpəsi, dikdir, yoxuşun başı mənasında deyilir. Nümunə:
Yol ötdüm, çıxdım yala,
Nahaqdan düşdüm qala,
Əyil üzündən öpüm,
Candan çıxsın dərd-bəla. (Bayatı).

3. Qida mənasında. itə verilən horra halında yemək. Nümunə: it yalı.
Məcazi mənada: çox dadsız, keyfiyyətsiz, duru yemək haqqında.