1. Cenevrə konfransı – Böyük Britaniya (O. Çemberlen), Fransa (A. Brian), Almaniya (Q. Ştrezeman), italiya (V. Şaloyya), Belçika (E. Vandervelde) və Yaponiya (K. isii) xarici işlər nazirlərinin iştirakı ilə baş tutan konfransdır. 1927-inci ilin iyunun 14–16-da Cenevrədə Millətlər Cəmiyyəti Şurasının sessiyası zamanı keçirilmişdir.

Konfransın səbəbi
Çin inqilabını (1925–27) dəstəkləməsi ilə əlaqədar olaraq Böyük Britaniya hökumətinin SSRi ilə diplomatik və ticarət əlaqələrini kəsməsindən sonra Çemberlenin təşəbbüsü ilə çağırılmışdır. Konfransda antisovet koalisiyasının yaradılmasına ümid edən Çemberlen “Kominternin təbliğatına qarşı” birgə bəyanat dərc etmək təklifi irəli sürdü.

Konfransın yekunu
Cenevrə konfransı iştirakçıları arasındakı ziddiyyətlər və onlardan bəzilərinin SSRi ilə iqtisadi əlaqələri saxlamaq səyləri nəticəsində Çemberlenin planı müvəffəqiyyətsizliyə uğradı. Ştrezeman və Brian bəyanatı imzalamaqdan imtina etdilər, Yaponiya təmsilçisi isə ehtiyatlı mövqe tutdu. Cenevrə konfransının yekun sənədinə görə, konfrans iştirakçıları Lokarno müqavilələrinə (1925) riayət etməyi öhdələrinə götürdülər.