1. Qaz əti adətən qışda yeyilir. Tərkibində bol miqdarda vitamin və minerallar var. Çox duzlu və yağlı istifadə edilməsi məsləhət görülməyən qaz ətinin suyu da özü qədər ləzzətli və faydalıdır.
Bəzən şorbası bişirilən və bəzən də adi şəkildə içilən qaz ətinin suyu saçlara və dəriyə olduqca faydalıdır. Tərkibində A, B1,B2, B3, B5, B6, B9, B12, C vitaminləri, kalium, kalsium, maqnium, nartium, fosfor, dəmir, marqanes, sink, selen və s. mikroelementlər var. Qaz ətində olan fosfor və kalsium diş ətlərinə və sümüklərə olduqca faydalıdır. Tərkibindəki B6 vitamini immunitet sistemini gücləndirərkən B5 vitamini də saçların təbii rəngini qorumağa yardımçı olur. Qaz ətinin 50%-i yağlardan ibarətdir. Bu yağlar linolendən ibarət olan olan yağ turşularıdır. Onun tərkibində olan çoxlu amin turşuları orqanizmi ammonyak zəhərlənmələrindən qoruyur.
Qaz ətinin adətən buxarda bişirilməsi və bol tərəvəzlə servis edilməsi məsləhət görülür. Ağır və yağlı olduğu üçün ürək və damar problemləri ilə xolesterol narahatlıqları olanların çox yeməsi məsləhət görülmür.

Mənbə və əlavə oxu üçün:
1. nehre.az
2. Nutritional Food Fact Sheet Series
3. news.milli.az
sifarişi verən: qaçaraddımdanenənanənan