19. supervillain'ların birləşib dünyanı xilas etməsi mövzusunda dc comics filmi.

ssenari altı həftədə yazılıb. film çox sürətli və dəxlisiz irəliləyir. sürətli irəliləyiş, margot robbie, və joker obrazı baxılası edib filmi. musiqilər hamısı olmasa da, çoxu yaxşı seçilib. ssenaridə isə boşluqlar çoxdur.

spoiler xəbərdalığı

burdan sonrakı hissə spoiler'di. baxmayan varsa oxumasın.



batman filmdə deadshot'ı qızının yanında həbs edəcək qədər alçalır. amma dünyanı ələ keçirməyə çalışan meta varlıqlarla döyüşməyə gəlmir. öz məsələsi olaraq görmür. halbuki meta varlıqlar istədiyinə nail olsa özü də yox olacaq.

bir başqa boşluq amanda waller xilas edildikdən sonra, damda helikopterin gözlənildiyi səhnədədir. hazır komanda orda ikən niyə enchantress və incubus ilə döyüşməyə getmirlər maraqlıdı. geciksələr daha çox insan incibus'un təsirinə keçəcək, daha çox güclənəcək incibus'un ordusu. amanda waller qaçırılır, gedirlər xilas etməyə. waller'ın helikopterinin düşdüyü yerə çatıb görürlər yoxdu "boss". öldürüldüyünü düşünüb pub'da içməyə gedirlər. içəndən sonra deyirlər gedək dünyanı xilas edək. ssenarinin çox sürətli yazıldığı bəlli olur.

ssenaridəki bütün münaqişələr amanda waller ətrafında yazılıb. bütün münaqişələrin başlanğıc səbəbi olan obrazın, münaqişələr bitəndən sonra özünü axırıncı yola qoyması dəxlisiz qıcıqlandırıcıdır.

bu səhvləri təcrübəsiz ssenarist etsə dərd yarı. dc comics kimi bir markaya ssenari yazanın belə məsuliyyətsizlik etməsi bağışlanmazdı.

david ayer bilməyib nə eləsin,plot twist itələmək üçün bütün düymələrə basıb.

obrazların iç dünyasını əla təsvir edən drama və komediya səhnələri var.

pub səhnəsində harley quinn hamıya pivə, viski, su verir, özü üçün martini bokalında dekorasiyalı kokteyl hazırlayır. son anlarında belə obraz içindəki şıltaqlığı tərk etmədiyini göstərir.

eyni səhnədə el diablo qadınları və uşaqları öldürdüyünü deyərək söhbətə başlayır. əlindəki gücü bandası üçün istifadə etdiyindən danışaraq davam edir. sonda öz uşaqlarını və qadınını öldürdüyünü etiraf edir. ilk qadınları və uşaqları öldürdüyünü deyəndə əslində öz ailəsini nəzərdə tutduğu başa düşülür. haqqında danışılan mövzunun ani eniş çıxışları, gərginliyin ani artışı obrazın iç dünyasını mükəmməl təsvir edir.

ümumi olaraq pis deyil.