1. Fərrux Yasar (tәqr. 1441–1500) – Dәrbәndilәr sülalәsindәn şirvanşah (1465–1500) olmuşdur. I ibrahimin oğludur. Qardaşı I Xәlilullahın ölümündәn sonra hakimiyyәtә keçmişdir. 1468-ci ildә Fərrux Yasar Uzun Hәsәnlә ittifaqa girәrәk Teymuri sultanı Əbu Sәidi mәğlub etdi. 1488-ci ildә Şeyx Heydәrin başçılığı ilә qızılbaşların Şirvana hücumu zamanı Gülüstan qalasına çәkilәn Fərrux Yasar kürәkәni (qızı Gövhәr sultanı ona әrә vermişdi) vә müttәfiqi Ağqoyunlu Sultan Yaqubdan kömәk istәdi. Süleyman bәy Bicәnoğlunun başçılıq etdiyi Ağqoyunlu dәstәlәri vә Şirvan qoşunu ilә döyüşdә Şeyx Heydәr öldürüldü. 15-ci әsrin sonlarında Fərrux Yasarla Şәki hakimi Şah Hüseynin münasibәtlәri pislәşdi, 1497-ci ildә sonuncunun tәhriki ilә Fərrux Yasarın gәnc oğlu Şeyxşah atasına qarşı üsyan qaldırdı vә Şәki hakimi ilә birlәşdi. Müttәfıqlәr Qәbәlәni qarәt vә viran etdilәr. Lakin Qәbәlә hakimi Əbülfәt bәyin kömәyinә gәlәn Fərrux Yasar onları mәğlub etdi, Şeyxşah isә (gәlәcәkdә Şirvanşah II ibrahim) atası ilә barışdı. 1500-ci ilin payızında I ismayılın başçılığı ilә qızılbaşlar yenidәn Şirvana hücum etdilәr. Onların arasında döyüş Gülüstan qalası yaxınlığındakı Cabanı adlı yerdә baş verdi. Qoşunlarının sayı (tәqr. 20 min atlı, 6 min piyada) qızılbaş dәstәlәrindәn iki dәfә çox olan Fərrux Yasar döyüşdә hәlak oldu.

Fərrux Yasarın hakimiyyәti illәrindә Şirvan dövlәti yüksәliş dövrünü yaşayırdı; bu zaman Dәrbәnd vә Dağıstanın cәnub әyalәtlәri Şirvanın tәrkibinә daxil idi. Fərrux Yasar dövlәt idarәçiliyinә, rәiyyәtin dolanışığına böyük diqqәt yetirir, qanunlara riayәt olunmasını tәlәb edirdi. Ölkәdә geniş quruculuq işlәri aparılırdı. Əvvәlki şirvanşahların sikkәlәri anonim surәtdә (adları göstәrilmәdәn) zәrb edilsә dә, Fərrux Yasardan başlayaraq gümüş sikkәlәrdә (tәngәlәrdә) şirvanşahların adı qeyd olunurdu. Fərrux Yasarın dövründә Şirvanın Moskva knyazlığı ilә diplomatik vә ticarәt әlaqәlәri quruldu. 1465-ci ildә onun elçisi Hәsәn bәy Moskvaya getmiş, III ivanla danışıqlar aparmışdır.