spoiler xəbərdarlığı. qulaq asmamısınızsa, qulaq asın. sonra buranı oxuyun. nə marağı qaçsın, nə həyəcanı.
lyrics axtaranlar, bu linkə basın
beat ləzzət elədisə, buyurun original sample
(youtube: 
)
)2001'ci ildə çıxan, çıxdığı gündən indiyə kimi hip-hop icmasında ən gangster, qaranlıq, və mübahisəli track olaraq yad edilən sənət əsəri. felipe andres coronel'in təxəyyülü ilə birləşmiş gerçəklik.
trek, dul anası ilə qalan billy jacobs'un hekayəsini mövzu alır. billy'nin anası maddələrdən asılı qadındır. lakin düzəlməyə çalışır. billy marixuana sataraq başladığı işə crack və kokain sataraq davam edir. daha ciddi işlər görmək istədiyi üçün, bir bandanın testini keçməli olur. yağışlı gecədir, saat üç, billy və qoşulmaq istədiyi bandanın adamları qaranlıq küçələrdə gəzib qurban axtarırlar. bir qadın görürlər, işdən evə qayıdır. doğru anı gözləyib arxadan hücum edirlər. köynəyini başına dolayırlar ki qadın görməsin heç nə. bir binanın damına çıxarıb döyürlər. təcavüz edirlər. sırayla. banda yoldaşları son testi keçməsi üçün silahı billy'ə verib yerdə uzanan, cəsəddən fərqi olmayan qadını öldürməsini istəyirlər. nəticədə gedib polisə danışa bilər. billy silahı alıb qadının başına dirəyir. qadının üzünü açır. öz anası ilə göz-gözə gəlir. qadın daha sərt şəkildə ağlamağa başlayır. billy'nin bütün dünyası dayanır. anasının işdən evə gec gəldiyi günlər və heç uğruna çəkdiyi əziyyət yadına düşür. onu dünyaya gətirən qadına üz çevirib səmaya baxır. ağlayır. iblisdən cavab alır, tanrı isə yoxdur baxdığı tərəfdə. dözə bilməyib özünü olduğu binanın damından aşağı atır. banda yoldaşları qadını öldürüb olanları unudur.
trekin sözləri belə davam edir:
--sitat--
dediyim hekayəyə inan. çünki billy jacobs'un yanında idim. billy ilə birlikdə anasına təcavüz etdim.
--sitat--
felipe coronel bir müsahibəsində
billy'nin anasına təcavüz etmədiyini və orada olmadığını, lakin hekayənin həqiqət olduğunu deyib. hekayədə "öz anası" ifadəsi ya billy'nin anasını ifadə edir, ya da metaforadır . felipe andres özü latindir. o vaxt amerikada latinlər, afro-amerikanlar, və afro-latinlər indiki kimi bəlkə daha pis irqçilik görürdü. yazılan hip-hop əsərləri də çox vaxt bu irqlərə xitab edirdi. və bu irqlər eyni məhəllədə qalırdılar. burdakı metaforada əsas fikir budur ki, billy crack satanda, vəya hansısa qadına təcavüz edəndə öz qanından olana qarşı törədib o əməli. yəni billy orda bir qadına təcavüz etməklə, öz icmasına təcavüz edib. öz anası vəya başqasının anası fərqi yoxdur, öz icmasındakı bir anadan söhbət gedir. burada billy'nin irqinin də fərqi yoxdur, sənət universaldır.
şərhlər: