1. Ərəbcə bu "ﺍﻵﺣﺎﺩ ﺧﺒﺮ ﺍﻟﻮﺍﺣﺪ، ﺧﺒﺮ" formada yazılır. islam Peyğəmbərinə əqlən yalan istinad etməsi mümkün olmayan bir cəmiyyətin, eyni xüsusiyyəti daşıyan başqa bir cəmiyyətə nəql etdiyi hədisə mütəvati̇r hədi̇s deyilir. Mütəvatir dərəcəsinə çatmamış rəvayətlər isə “ahad xəbər” adlanır. “Ahad xəbər”ə “xəbəri-vahid” də deyilir. ilk dövrlərdə hər bir ravi nəslindən yalnız bir ravinin rəvayəti xəbəri-vahid sayılırdı. Hicri II əsrdən etibarən isə hədisçilər, üsulçular və fəqihlər ravilərin sayından asılı olmayaraq, mütəvatir dərəcəsinə çatmayan hədisi ahad xəbər kimi qəbul etmişlər. Bu tərifə görə, yalnız bir nəslə aid olan ravinin digər nəsildəki ravidən rəvayəti deyil, iki, üç və ya daha çox ravinin başqa nəsildəki eyni saydakı ravidən nəql etdikləri hədis də ahad xəbər (xəbəri-vahid) hesab edilmişdir. islam alimlərinin əksəriyyətinə görə, xəbəri-vahid zənni bilik ifadə edir. Əhməd ibn Hənbəl, Malik ibn Ənəs və digər mühəddislərə görə, ahad xəbərin zəruri bilik kəsb etməsi üçün səhhət (doğruluq) şərtlərini daşıması zəruridir. Mötəzilə və şiə kəlamçılarının əksəriyyətinə görə, xəbəri-vahid inanc məsələlərində dəlil hesab edilmir.