1.
Yuxarıdakı şəkillərdə olan suallar yəqin ki, sosial şəbəkələrdə çoxlarının qarşısına çıxmışdır. Onu da qeyd edim ki, yuxarıdakı şəkillərdə bir çox söz orfoqrafik səhvlə yazılmışdır. Aşağıda sualın düzgün formada yazılışı və tərcüməsi verilmişdir.
Sual belədir:
"təsahül baş vermiş müsəlsəl hədi̇sdə intiqal baş verərsə məsləkul-vüsuq yolu ilə hüccətin məqbulluğuna zəmin yaranarmı?"

Tərcüməsi: "Etinasızlıq (laqeydlik) edilmiş dəqiq hədisdə (burada hədisin sözbəsöz, cümləbəcümlə eynilə qədimdən bugünə ötürülməsi nəzərdə tutulur) yer dəyişmə (söz və ya cümlənin yer dəyişməsi) baş verərsə hədisin (islam peyğəmbərinə istinad edən hədisin) etibarlı sayılma üsulu ilə dəlilin qəbul olunmasına (hər hansı bir mövzuda deyilmiş hədisin həmin mövzunun cavabı kimi dəlil sayılması) imkan yaranırmı?"

izahlar:
təsahül - Etinasızlıq (laqeydlik)
müsəlsəl hədi̇s - dəqiq hədis yəni hədisin sözbəsöz, cümləbəcümlə eynilə qədimdən bugünə ötürülməsi nəzərdə tutulur.
intiqal - yerdəyişmə (məsələn: söz və ya cümlənin yer dəyişməsi)
Məsləkul-vüsuq - hədislərin təsdiq edilmə üsullarından biri
hüccət - dəlil (sübut)
məqbul - qəbul olunan, bəyənilən, xoşagələn
zəmin - bir şeyin, hadisənin cərəyan etdiyi əsas şərait, mühit, vəziyyət, imkan.