1. Qızlarda cəlbedici görünməsi? Oğlanı xarizmatik etməsi? Mən iki cinsə də yaraşdırmıram, mənə görə siqaret zəiflik əlamətidir. Əksərən, ətraflarında olan o qoxu və miskin duruş, mənə bulaşmasın deyə mümkün qədər o şəxslərlə danışmıram. Bunun cəlbedici görünməsi filmlərdə o darklığı , sirliymişcəsinə əks etdirən və qadağa ilə üsyanı bir bədəndə birləşdirərək guya qadında və kişidə azadlıq, cəsarət, müstəqillik ifadə etməsindən törəyər ki, bu da "wow" effekti yaradar. Beləcə Kasıb paçozun əlində estetik görünmür, çünki o onu daşıyacaq gücdə deyil və o auranı yansıtmaz. "Geyinməyi bilənə" güclü aura kimi gələr, mənə isə boktan həyatı olan bir insanın dar qısa dəri paltarlarda sanki fərqliymişcəsinə büründüyü bir maska kimi gələr.
Sözümün məğzi, insanlar bəzən azadlıq kimi göstərilən şeylərlə öz zəifliklərini gizlədirlər. Elə Cəmiyyətin özü.. bəzən zərərli şeyləri romantikləşdirməyi o qədər sevir ki.. Alkoqol, siqaret, hətta özünü məhv edən həyat tərzi belə “poetik” göstərilir. Halbuki real həyatda bu şeylərin çoxu sadəcə yorğunluq və qaçışdır.
Kimisi gəncliyindən satıb, kimisi vaxtından, ruhundan..
insanlar siqareti sakitləşmək üçün çəkdiklərini deyir. Amma maraqlısı odur ki, çox vaxt həmin gərginliyi yaradan həyat tərzindən çıxmaq əvəzinə, sadəcə tüstü ilə üstünü örtürlər. Beyin burada da oyununu balanslı qurur.
qısaca, siqaret maskadır, zəiflikdir.
Mənə görə həqiqi azadlıq, güc bir şeyə bağlı olmamaqdır. Siqaret isə çox vaxt elə bağlılığın özüdür. Zəif biri isə cəlbedici görünmür, filmlərdə qalan üçün isə pulp fiction, basic instinct, maleina, girl interrupted falan izləsin.