1. Varşava Universitetinin tarixi lap əvvəldən Varşavanın özünün tarixi və müəyyən mənada bütün Polşa Respublikasının tarixi ilə ayrılmaz şəkildə bağlı olmuşdur. Polşa Respublikası 18-ci əsrin sonlarında qonşu ölkələr (Prussiya, Avstriya-Macarıstan və Rusiya) tərəfindən bölünərək yüz ildən çox müddətə Avropa xəritəsindən silinmişdir. Ölkənin yenidən canlanması ümidi artıq 19-cu əsrin ilk onilliklərində yaranmışdı. Bu ümidlər əvvəlcə Napoleon dövrü, sonra isə Vyana Konqresi nəticəsində doğuldu. Beləliklə, əvvəlcə Varşava Hersogluğu (1807–1813), daha sonra isə 1815-ci ildə Rusiya imperiyasının tərkibinə daxil olan Polşa Krallığı yarandı ki, bu da Polşa dövlətinin muxtar əvəzedicisi idi.










Varşava Kral Universiteti
Universitetin yaranması Napoleon dövrünə aid iki məktəblə bağlıdır. 1808-ci ildə təsis edilmiş Hüquq Məktəbi və bir il sonra yaradılmış Tibb Məktəbi. Zaman keçdikcə bu iki məktəb Universitetin iki vacib fakültəsinə çevrilib. Onlar Varşava Hersogluğunun gündəlik həyatında lazım olan mütəxəssisləri yetişdirmək üçün nəzərdə tutulmuşdu.
Dinlər və ictimai Maarifləndirmə naziri Qraf Stanisław Potocki və keşiş Stanisław Staszic Universitetin yaradılmasının böyük tərəfdarı idilər. Universitetin qurulması ilə nəticələnən qanun Rusiya çarı və Polşa monarxı I Aleksandr tərəfindən 19 noyabr 1816-cı ildə verildi. O vaxtdan bəri Universitet Stanisław Staszic`in rəhbərlik etdiyi Baş Şuranın nəzarəti altında fəaliyyət göstərməyə başladı. 14 may 1818-ci ildə açılan universitetin rəsmi adı: Varşava Kral Universiteti idi. Keşiş Wojciech Anzelm Szweykowski universitetin ilk rektoru oldu. Beş fakültənin simvolu olan beş ulduzla əhatə olunmuş, caynaqlarında dəfnə və palma budaqları olan qartal Varşava Universitetinin rəmzi oldu.
Hüquq və Tibb fakültələrindən əlavə, yeni yaradılmış Universitet aşağıdakı fakültələrdən ibarət idi:
Fəlsəfə fakültəsi, ilahiyyat fakültəsi, Elm və incəsənət fakültəsi.