1.
mass hysteria (azərb. kütləvi isteriya) 1993-cü ildə qurulumuş fransız indastrial-metal musiqi qrupudur. Qrup 1997-2023-cü illər arasında 10 studiya, 6 canlı albom çıxarmışdır. Qrupa məşhurluq gətirən isə Contraddiction adlı 2-ci albomu olmuşdur.

Qrupun yaranması və 90-lar
mass hysteria 1993-cü ildə Paris şəhərində Mouss (vokal), Stephan (bas) Erwan (gitar) tərəfindən qurulmuşdur. Qrup 4 il sonra Le Bien-être et la Paix adlı ilk albomunu çıxarır. Qrup 1998-ci ildə Kanadanın Monreal şəhərindəki Spectrum adlı konsert zalında canlı albomunu çıxarır. 1999-cu ildə çıxardıqları Contraddiction adlı albom böyük uğur gətirərək 50000 kopya satmışdır. Sözügedən albomun prodüserlik və miks işi Colin Richardson tərəfindən edilmişdir.

2000-ci illər
2001-ci ildə qrup turneyə çıxdı və gitarist Olivier Coursier`in komandaya qoşulmasıyla De cercle en cercle adlı yeni tərzdə albom çıxardı. Yeni albom birmənalı qarşılanmadı. Səbəb isə yeni pop/rep tərzinin qrupu metaldan uzaqlaşdırması idi.
Qrup 2005-ci ildə "Mass Hysteria" adlı albom çıxararaq yeni yumşaq pop/metal tərzini qəbul etdiyini göstərir. 2007-ci ildə Olivier Coursier gedişi və Nicolas Sarrouy`un gəlməsi ilə qrup Une somme de détails albomu ilə səhnələrə qayıdır. Albom Contraddiction ilə oxşarlıq təşkil etdiyi üçün öz köklərinə qayıdış kimi qəbul olunur. Qrup 16 avqust 2008-ci ildə Macarıstanın Budapeşt şəhəri ətrafında yerləşən Óbudai-sziget adasında keçirilən Sziget Festival`ında çıxış edir. Qrup 2009-cu ildə məşhur Metallica qrupunun Fransanın Nîmes inzibati idarə mərkəzində yerləşən Arena of Nîmes adlı amfiteatrdakı konsertində açılış çıxışı etmək üçün dəvət almışdı. ilin sonunda qrup Failles adlı albomunu çıxardaraq mediada müsbət rəylər alır.

2010-cu illər
Qrup 2011-ci ildə Fransanın Tuluza şəhərindəki konsertinin çəkilişini DVD formatında çıxarır. 9 iyulda qrup Sonisphere festivalında Big Four of Thrash ilə birlikdə çıxış etmişdir. 2012-ci ildə L'Armée des ombres adlı yeni albomlarını çıxartdılar. 5 aprel 2013-cü ildə Paris şəhərindəki Olympia zalında 20 illiklərinə həsr olunmuş konsertdə 2500 izləyici qarşısında çıxış etdilər. Qrup 2015-ci ildə Matière Noire albomu çıxardır. Albom qrupun geridönüşünü bildirərək Fransız səhnəsində liderliyini möhkəmləndirir. Albomun çıxışı şərəfinə təşkil etdikləri 120 konsertlik turne Fransa, isveçrə, Belçika, Kanada (yalnız Kvebek əyalətində) və Rusiyada keçirilmişdir. 2016-cı ilin sonunda Le Trianon adlı limitli tirajla 5000 ədəd DVD/CD satışa buraxır. 19 mart 2018-ci ildə məşhur Contraddiction albomları çıxışından 19 ildən sonra 50000-dən çox kopya satdığı üçün qızıl disk mükafatı qazanır. Bu hadisə ilə əlaqədar sözügedən mükafat qrupa, 9 mart tarixində Paris şəhərində yerləşən Grande halle de la Villette zalında təşkil olunan Le Mondial du tatouage adlı tatu konvensiyasında çıxışı zamanı Legacy Recordings adlı musiqi kataloq şirkəti tərəfindən təqdim olunmuşdur. Bir həftə sonra qrupun Mass Hysteria à l'Olympia adlı konsert albomu da qızıl disk mükafatı qazanmışdır.

Janr və tərz
Mass Hysteria özünün eklektikasıyla tanınır, 2001-05-ci illər arasında alternativ metal, rok, rep kombinasiyaları ilə önə çıxmışdır. Qrup həmçinin demək olar ki, yalnız fransız dilində oxuyan nadir qruplardan biri sayılır.

Cari üzvlər
Mouss Kelai — vokal (1993-cü ildən)
Yann Heurtaux — gitara (1995-ci ildən)
Raphaël Mercier — baraban (1996-cı ildən)
Frédéric Duquesne — gitara (2014-cü ildən)
Jamie Ryan — bas gitara (2017-ci ildən)

Keçmiş üzvlər
Jean Martin — baraban (1993–1995)
Alain "Ferguson" Fornasari — gitara (1993–1995)
Erwan Disez — gitara (1993–1999)
Stéphan Jaquet — bas (1993–2011) (2021-ci ildə 53 yaşında dünyasını dəyişib.)
Pascal Jeannet / Overload System — səs nümunələri, proqramlaşdırma (1995–2000)
Olivier Coursier — gitara, səs nümunələri (2000–2007)
Nicolas Sarrouy — gitara (2007–2014)
Vincent Mercier — bas (2012–2016)
Thomas "Atom" Zanghellini — bas (2016—2017)

Xronologiya


Studiya albomları
1997 : Le Bien-être et la Paix
1999 : Contraddiction
2001 : De cercle en cercle
2005 : Mass Hysteria
2007 : Une somme de détails
2009 : Failles
2012 : L'Armée des ombres
2015 : Matière Noire
2018 : Maniac
2023 : Tenace - Part 1 & 2

Canlı albomlar
1998 : Live à Montréal (16 may 1998-ci ildə Monreal Spectrum`da yazılmış konsert)
2011 : Live (9 dekabr 2010-cu ildə Tuluzadakı Bikini`də yazılmış konsert)
2013 : Mass Hysteria à l'Olympia (Konsert 5 aprel 2013-cü ildə Parisdəki Olympia zalında qrupun yaradılmasının 20 illiyi münasibətilə yazılıb)
2016 : Le Trianon (Konsert 11 mart 2016-cı ildə Parisdəki Trianon`da yazılıb)
2019 : Hellfest XXI VI MMXIX (Konsert 21 iyun 2019-cu ildə Hellfest`də yazılıb)
2022 : Le Gros 4 (Konsert 1 aprel 2022-ci ildə Strasburqdakı Zénith`də yazılıb)
2025 : Vae Soli : Hellfest 2024 (Konsert 29 iyun 2024-cü ildə Hellfest`də yazılıb)

Digər işləri
Digərləri
1994: 3 treklik demo kaset;
1996: 2 treklik tanıtım CD-si (Donnez-vous la peine və Mass protect);
1996: 4 treklik CD, 1996-cı ilin noyabrında çıxıb (Donnez-vous la peine, Mass protect, M.H. de C.E.S., Donnez vous la peine (The grizzly version));
2021: Rock Hard jurnalının 20 illiyi münasibətilə "Mass Hysteria 10 ans de Furia" (Mass Hysteria 10 il Furia) adlı eksklüziv DVD, 12 canlı trekdən ibarətdir, onlardan 6-sı əvvəllər yayımlanmamışdır.