1. bakı ilə xırdalan arasında məsafənin çox olmadığını insanlara hər gün xatırladan nəqliyyat vasitəsi.

avtobusla bu məsafə uzun görünür. tıxac, dayanacaq, sürücünün əhvalı. qatar isə bu mövzulardan uzaqdır.

digər qatarları bilmirəm, amma bu qatarda həmişə qəribə bir sakitlik olur. heç deməzsən bu adamlar xırdalana gedir. avtobusdakı kimi qışqırıq, sürücüyə məsləhət verən sərnişin, dayanacaq üstündə mübahisə yoxdur. qatar öz işini bilir, sərnişinə də elə bu lazımdır.

bakı ilə xırdalan arasında məsafə artıq nəqliyyat növü ilə ölçülür. avtobusda uzaq görünən yol, qatarla gedəndə birdən qısalır. maşın almamaq üçün bəhanəmdir, ala bilmədiyim üçün təskinliyimdir bakı-xırdalan qatarı.