1. nəsirəddin tusinin nəslindən gələn, ordubad şəhərindən çıxmış ailə. mənbələrdə ilk dəfə monqol yürüşləri dövründə adı çəkilir, sonra bir müddət tarixdən yoxa çıxır, səfəvilər hakimiyyətə gələndə yenidən ortaya çıxır

ailənin bilinən ilk lideri bəhram xan ordubadi şah ismayılın ordubada təyin etdiyi mülki idarəçi, kalantardır. onun oğlu hatəm bəy ordubadi atasından sonra ordubadın ağası olur, "bəy" titulunu alır. 1591-ci ildə şah abbas onu baş vəzir təyin edir. dövrün tarixçisi isgəndər bəy münşi onu "zəmanəsinin aristoteli" adlandırıb.

hatəm bəyin oğlu mirzə talib xan ordubadi də atasının izindən gedir. əvvəlcə şah abbasın baş vəziri olur, sonra şah səfinin dövründə yenidən vəzir təyin edilir. amma bu dəfə sonu pis olur və saray xədimi saru taqi onu öldürtdürür. səbəbi şəxsi kin olub: vaxtilə hatəm bəy saru taqinin atasına istədiyi vəzifəni verməmişdi. ata oğulu rədd edir, illər sonra oğulun oğlu bunun əvəzini çıxır.

ailənin başqa bir üzvü mirzə əbülhüseyn bəy ordubadi şah səfinin dövründə xəzinədar-başı olub. daha sonrakı nəsillərdən mirzə nəqi nasiri isə səfəvi dövlətinin idarəçilik sistemi haqqında "dəstur əl-müluk" adlı əsər yazıb. bu əsər bu gün də səfəvi dövlət quruluşunu öyrənmək üçün əsas mənbələrdəndir
(bax: ordubad)
(baxma: hatəm bəy ordubadi)
(bax: nəsirəddin tusi)
(baxma: səfəvilər)
(bax: şah abbas)