1. 1789- 1790-cı illər arası belçikanın brabant əyalətində baş tutan burjua inqilabı. məqsədi , 1714-cü ildən avstriya imperiyasının tərkibində olan belçika əyalətlərini azad etmək idi. 1787-ci ilin əvvəlində şəhər yoxsullarının və kəndlilərin fəal iştirakı ilə belçika əyalətlərində avstriya əleyhinə milli cəbhə yarandı. fransa inqilabının təsiri ilə hərəkat daha da güclənmişdi. 1789-cu ilin sentyabrında breda şəhərində nooristlərin (katolik kilsəsini , iri topraq sahiblərini , sex korporasiyalarını təmsil edən mühafizəkarlar ) və vonkistlərin (orta və xırda şəhər burjuaziyasının bir hissəsinin mənafeyini müdafiə edən liberallar) nümayəndələrindən ibarət inqilabi komitəsi yaradıldı. oktyabrda könüllülərdən ibarət belçika ordusu belçika-niderland sərhədini keçərək , brabant ərazisində avstriya qoşunlarına qarşı hərbi əməliyyatlara başladı. dekabrın əvvəlində , demək olar , bütün belçika ərazisi azad edildi. 1790-cı ilin yanvar ayının yeddisində brüsseldə belçikanın azad olunmuş əyalətlərinin milli konqresi çağırılır. konqres avstriya imperatoru ikinci iosifin hakimiyyətdən salındığını bildirdi , yanvarın on birində isə belçika birləşmiş ştatlarının müstəqilliyini elan etdi. lakin milli konqresin qəbul etdiyi konsitutsiya feodal mükəlləfiyyətlərini ləğv etmək barədə kəndlilərin tələbini ödəmədiyindən , onların çoxu inqilabdan uzaqlaşdı. burjua partiyaları arasında ixtilaf düşdü. belçikada yaranmış ağır daxili siyasi vəziyyətdən istifadə edən avstriya 1790-cı ilin dekabrında yenidən bu ərazini özünə tabe edir.
inqilabın bayrağı :

1830-cu ildə tərtib olunmuş belçika bayrağı məhz inqilab bayrağından təsirlənərək meydana çıxmışdır