11. John Locke insanın zaman keçsə də necə “eyni şəxs” olaraq qaldığını araşdırırdı. O düşünürdü ki, insanın şəxsiyyətini müəyyən edən əsas şey bədən deyil, yaddaş və şüurdur. insan uşaqlıqdan qocalığa qədər tam dəyişsə də, keçmişini xatırladığı müddətdə özünü eyni insan hesab edir.

Lokk bunu izah etmək üçün məşhur “şahzadə və çarıqçı” nümunəsini verir. Təsəvvür edin ki, bir şahzadənin bütün xatirələri və şüuru bir çarıqçının bədəninə keçir. Xarici görünüş dəyişsə də, yaddaş şahzadəyə aid olduğu üçün həmin insan əslində şahzadə sayılmalıdır. Deməli, Lokk üçün şəxsiyyəti yaradan əsas amil bədən yox, şüur və yaddaşdır.

O həmçinin deyirdi ki, yaddaş itəndə şəxsi kimlik də qırılır. insan xatırlamadığı bir əmələ görə tam məsul sayılmaya bilər. Buna görə də şəxsi kimlik məsələsini əxlaq və məsuliyyətlə əlaqələndirirdi.