5. 1881 ci ildə istanbulda anadan olmuşdur. osmanlı imperiyasında hərbi nazir, ittihad və tərəqqi cəmiyyətinin üzvlərindən biri, ii əbdülhəmidin taxtdan endirilməsində böyük rolu olmuş və 1913 cü il ıı balkan müharibəsində osmanlının avropada itirilmiş torpağı olan ədirnə və ətraf əraziləri azad edib "ədirnə fatehi" titulunu almışdır. "qafqaz islam ordusu"nun təşkili üçün əmr verən, qardaşı nuru paşanı bakının və işğal altında olan ərazilərimizin düşməndən azad olunması məqsədilə məmləkətimizə yollayan, önəmli şəxslərdən biri. olduqca islamçı (turançı olduğu tamamilə yanlışdır) olmuşdur. ı dünya müharibəsi zamanı 1915 ci ildə ruslarla baş verən "sarıqamış əməliyyatı"nı planlaşdırmış ancaq orduda ərzaq çatışmazlığı, şaxtalı hava şəraiti, əsgərlərin düzgün təchizatlanmaması və qış geyimlərinin olmaması, səbəbilə əməliyyat uğursuzluqla nəticələnmiş, 90,000 əsgər şəhid olmuşdur. orta asiyada bolşeviklər əleyhinə üsyan qaldırmış olan, "basmaçı hərəkatı"na qoşulmuş və birçox döyüşlərdə uğur qazansa belə 1922 ci ildə "düşənbə əməliyyatı" (indiki tacikistan) sırasında çeğan təpəsində aldığı güllə yarası səbəbilə qəhrəmancasına şəhid olmuşdur.