2. Bu ilin may ayında çantamı belimə alıb Qəbələyə getmişdim.Şəhərdən Qəbələnin kəndlərinə işləyən avtobus olmadığı üçün və taksi applərində taksi tapılmadığı üçün 7 Gözəl Şəlaləsindən Nohurgölə qədər piyada gəlmişdim (yuxusuz və yorğun halda).Gölə çatanda bağlı olduğunu görüb üzü şəhərə tərəf getməyə başladım ki, lokal mağazalardan ora xas olan şirniyyat alıb avtovağzala gedim və Bakıya qayıdım.Çox pis vəziyyətdə idim və hələ bir saat yarım əsas magistralın yanı ilə günün altında piyada getməliydim.

Biraz gedəndən sonra yaxında yanacaqdoldurma məntəqəsi görüb yaxınlaşdım ki,bəlkə kiməsə pul versəm məni şəhərə atar.Orada bir taksi gördüm.Sürücü 30lu yaşlarda bir adam idi.Avtovağzala gedəcəyimi bildirdim.

Maşına oturduq və ən qısa yolla avtovağzala doğru getməyə başladıq.Söhbət sırasında yaşadığım çətinliyi və planlarımın necə pozulmasını danışdım (taksi tətbiqlərinin işləmədiyini bilmirdim deyə uzun müddət yerimişdim və halım çox pis olduğu üçün də lokal mağazalara baş çəkə bilməyəcəkdim).Həmin oğlan mənim dediklərimi eşidəndən sonra qısa yoldan u dönüşü edib şəhərin mərkəzinə gedən yola keçdi.Məni şəhərin ən yaxşı şirniyyat yerinə aparıb ora xas olan şirniyyatları göstərdi (üçqulaq paxlavası və həmzəli halvası).Şirniyyatları aldıqdan sonra məni avtovağzala apardı və ordaki sürücülərdən Bakı avtobuslarını soruşdu.Məlum oldu ki,sonuncu Bakı avtobusu yarım saat öncə çıxıb.
Buna baxmayaraq adam məni orda qoymadı.2 km sürüb Bakıya gedən yola apardı.Məqsədi o idi ki,yol taksilərində boş yer olarsa orda birini tapıb məni yola salsın.15 dəqiqə günün altında həmin yolda dayandı (üstəlik mənə dedi ki, sən maşında gözləyə bilərsən gün vurmasın deyə).
Orda da taksi tapılmadı deyə məni Qəbələnin başqa bir yerinə apardı.Həmin yerdə daimi taksilər dayanıb gözləyirdi (ordaki taksilər gec adam yığıb tərpəndikləri üçün bu üsuldan əvvəlcə istifadə etmədik).Orda tanışını tapdı və məni onun maşınına mindirib göndərdi.

Bu adamın etdiklərini və ona nə qədər minnətdar olduğumu sözlə ifadə edə bilmirəm.Çox heyif ki həmin vaxt yorğun olduğum üçün onun nömrəsin götürməyi fikirləşmədim.
Təşəkkürlər gözəl insan