2. iş saatının bitməsinə 70 dəqiqə var və mən entry yaza bilərəm.

Herr Mannelig orta əsrlərə aid isveç xalq balladasıdır. Elə əsas mövzumuz da burada musiqi deyil də balladanın hekayəsidir.
Hekayəmizin baş qəhrəmanları Herr Mannelig adlı insan cəngavər və troll qadındır. (troll - insana bənzər eybəcər və kobud məxluqdur)

Hekayənin başlanğıcı:

Bu hekayədə troll qadın cəngavər herr manneligə aşiq olur. Elə əsas hadisələr də bu mövzu üzərində baş verir və ona evlilik təklifi edir. Sadecə evlilik təklifi ilə bitmir, cəngavərin onla evlənəcəyi halda bir çox qiymətli hədiyyələrə sahib ola biləcəyini vəd edir. Lakin Herr mannelig bununla razılaşmır.
ilk baxışda bunu sadəcə: "uğursuz eşq təklifi" kimi başa düşmək olar amma hekayənin daha dərin tərəfi var. Herr Mannelig onunla evlənmək istəmir, çünki o, insan deyil. Burada orta əsr (baxma: Skandinaviy)a dünyasının inancları ilə xristianlığın təsiri bir-birinə qarışır. Skandinaviya folklorunda trollar və digər fövqəltəbii varlıqlar xristianlıqdan əvvəlki inanclarla əlaqələndirilirdi. Xristianlığın yayılması ilə bu varlıqlar getdikcə “şər”, “qaranlıq” və “insan olmayan” obrazlar kimi təsvir edilməyə başlayır. Troll qadının insanla evlənmək istəməsi müəyyən mənada onun xristian insan dünyasına daxil olmaq istəyidir. Əgər onunla evlənsə, sonsuza qədər insan olaraq yaşaya bilər.

Hekayənin ən təsirli tərəflərindən biri budur ki, troll qadın tam olaraq “pis obraz” kimi göstərilmir. Əksinə, onun vəziyyətində müəyyən acizlik və ümidsizlik var. Bu qadın cəngavər tərəfindən rədd edildikdən sonra dərin ümidsizliyə düşür və həyatının sonuna qədər ağlayaraq yaşayır.
Mənə görə bu hekayədə troll qadın cəmiyyətin qəbul etmədiyi insanı təmsil edir. Görünüşünə görə mühakimə edilən, görməzdən gəlinən insanlar. Daha da dərinliklərə getsəm qadının hissləri mənə görə daha çox "birinin dünyasına aid olmaq istəyi" təəssüratı yaradır, poetik bir ifadə kimi səslənir ama hekayədə insan olmaq üçün opportunist davranan qadın deyil də öz eşqini əldə etmək istəyən birini görürəm. onu əldə edə bilmədiyi zaman isə həyatının sonuna qədər yas tutmağa razı olan qadın.