1. Pejo (orginal adı ilə Peugeot) Fransanın ən qədim və tanınmış avtomobil markasıdır. tarixi XVIII əsrə qədər gedib çıxır. Pejo ailəsi əvvəlcə mişar avadanlıqları və müxtəlif metal məmulatları istehsal edirdi. Daha sonra şirkət velosiped və avtomobil istehsalına keçdi. Pejo ilk maşınını 1889-cu ildə təqdim edib. Bu maşın buxarla işləyirdi. Sonrakı illərdə şirkət daxiliyanma mühərrikli maşınların istehsalına başladı və Avropanın mühüm avtomobil istehsalçılarından birinə çevrildi. Pejo avtomobilləri xüsusilə Fransız dizaynı, komfortu, qənaətcilliyi və texnologiyası ilə tanınır. Marka müxtəlif dövrlərdə sedan, hetçbek, universal, krossover və kommersiya avtomobilləri istehsal edib. Məşhur modelləri arasında Peugeot 205, 206, 306, 307, 308, 405, 406(əfsanəvi taksi filmində gördüyümüz), 407, 508, 2008, 3008 və 5008 kimi avtomobillər var. Pejonun tarixində 205 modeli xüsusi yer tutur. 1980-ci illərdə satışa çıxarılan bu model həm gündəlik istifadə, həm də motorsport sahəsində böyük uğur qazanıb. Xüsusilə 205 T16 ralli versiyası Group B dövrünün ən məşhur avtomobillərindən biri hesab olunur.

Pejo həmçinin dizayn sahəsində özünəməxsus üslub yaradıb. Müasir modellərdə kəskin LED işıqlar, böyük radiator barmaqlığı və markanın "şir" simvolu ön plana çıxır. Şirkət son illərdə hibrid və tam elektrikli avtomobillərin istehsalını da genişləndirib. 2021-ci ildən pejo Stellantis avtomobil qrupunun tərkibindədir. Stellantis, pejo ilə yanaşı Citroën, Opel, Fiat, Jeep, Alfa Romeo və digər avtomobil markalarını birləşdirən böyük beynəlxalq avtomobil qrupudur.

Bu gün pejo əsasən Avropa bazarında güclü mövqeyə malikdir və həm şəhər avtomobilləri, həm ailə krossoverləri, həm də elektrikləşdirilmiş modellər təqdim edir. Markanın uzun tarixi onu yalnız Fransanın deyil, ümumilikdə Avropanın ən köklü avtomobil istehsalçılarından birinə çevirib