99. Bu gün gün sonuna yaxın bütün kefim pozuldu, çox qanıqara və lomkada idim. Çoxdandır uşaqlarla tam toplanıb görüşmürdük. Guya onların yanına gedəsiydim işdən çıxanda. Yolda bir bəhanə tapıb "otqaz" elədim son anda. Bütün yolu da başımın içi dumanlı olub. Yenidən o yuxunu görməyi xəyal edirdim. Ki, həqiqətən də ehtiyscım var bir anlıq, bir yuxuluq da olsa, canlı hiss etmək üçün. Amma uzun zamandır görə bilmirəm. Bir yandan da onun fikri idi.

Bir şeyə diqqət eləmişəm: nə zaman ağrı (hər iki mənada) * əsas da ikinci mənada içində olsam; nə zaman həyatdakı hansısa bir şeyi qəbullanışın verdiyi o ağırlıq və ayaqların sürünürmüş kimi olan lənglik gələndə gedib sakitcə bir skamyada oturub fikrə gedib dincimi almaq istəsəm, bir pişik peydə olur. Özü də ayağa filan da sürtünmür. Direkt gəlir çıxır skamyaya, bir kruq fırlanır başıma, sonra qucağımda öz yerin rahlayır, başın qoyur yatır. Özü də, bir şeyə fikir vermişəm: artıq mənə bir rahatlama, yüngüllük gələnə yaxın oyanır, o yan bu yana boylanmağa başlayırlar.


Bu gün də bu gəldi. Girdi pencəyin içinə, bir az eşələndi, ətir vurduğum hissələri qoxladı, axırda da başın qoyub yatdı. Düzü, mən də mahnıya qulaq asa-asa gözümü yumub bir az mürgülədim. Axırda da evə getməmiş getdim ki, marketə dəyim, yemək alım verim. Qayıdanda gördüm yoxa çıxıb..



Yadıma lap bu başlığa yazdığım o biri entri(#382324) düşdü. indi oranı da söküb dağıdıblar. Onsuz da 2-3 ay sonra yoxa çıxmışdı. Ümid edirəm maşın vurmayıb, ya da avtoş dönərə ət olmayıb...