1. eJPT (eLearnSecurity Junior Penetration Tester) — INE Security-nin giriş səviyyəli pentest sertifikatı. Hazırkı versiya eJPTv2-dir. imtahan nəzəri test deyil: canlı lab şəbəkəsinə qoşulursan, hostları özün tapır, zəiflikləri istismar edirsən və sualları yalnız orada tapdığın məlumatla cavablandıra bilirsən. Ona görə "pentest-ə haradan başlayım" sualına ən çox verilən cavablardan biridir.

imtahan formatı
Müddət - 48 saat, öz tempinlə, bir oturuşda bitirmək şərt deyil
Suallar - ~35 sual, hamısı lab-da tapdıqlarına bağlıdır (flag-lər, versiyalar, istifadəçi adları, fayl məzmunu)
Keçid balı - 70%
Nəzarət - Proctor yoxdur, open book — qeydlər, internet, istənilən alət, o cümlədən Metasploit, icazəlidir
Qiymət - Voucher $249; INE Fundamentals illik abunəsinə də daxildir
Cəhdlər - 1 cəhd + 1 pulsuz təkrar (uğursuz cəhddən sonra 14 gün ərzində)
Voucher - Alındıqdan sonra 180 gün etibarlıdır
Sertifikat - Verildiyi tarixdən 3 il etibarlıdır, sonra yenilənir

Domenlər
Host and Network Penetration Testing - Windows və Linux hostlarının istismarı, şəbəkə servislərinə hücum, Metasploit, post-exploitation, privilege escalation, pivoting
Assessment Methodologies - Passiv və aktiv məlumat toplama, host discovery, port və servis skanı, enumeration, zəiflik qiymətləndirməsi
Host and Network Auditing - Sistem haqqında məlumat toplamaq, istifadəçi və hash-ları çıxarmaq, fayl ötürmək, konfiqurasiyanı yoxlamaq
Web Application Penetration Testing - HTTP-nin özü, directory brute-force, SQL injection, XSS, login brute-force, CMS (xüsusən WordPress) zəiflikləri


Tipik iş axını
Şəbəkəni xəritələ — nmap -sn ilə canlı hostlar, sonra nmap -sV -sC -p- ilə hər hostun servisləri. Hər şeyi cədvələ yaz: IP, OS, açıq portlar, versiyalar.
Enumeration — SMB (enum4linux, smbclient), FTP anonim giriş, HTTP (gobuster/dirb, WPScan), MySQL, SSH banner-ləri.
ilk giriş — köhnə servis versiyası üçün searchsploit və ya Metasploit modulu, zəif parol üçün hydra, web formada SQL injection üçün sqlmap.
Post-exploitation — meterpreter-də sysinfo, hashdump, istifadəçi və şəbəkə interfeyslərinə baxmaq; hash-ları john və ya hashcat ilə sındırmaq.
Pivoting — ələ keçirilmiş hostun ikinci şəbəkə kartı varsa, autoroute ilə daxili şəbəkəyə marşrut əlavə et, portfwd ilə daxili servisi öz maşınına gətir və eyni dövrəni orada təkrarla.

eJPT işə götürən üçün "bu adam alətləri tanıyır və real şəbəkədə metodla işləyə bilir" siqnalıdır, amma tək başına pentester vəzifəsi üçün kifayət etmir — növbəti addım adətən eCPPT, PNPT və ya OSCP olur.

Xronologiya
eLearnSecurity dövrü — ilk eJPT italiyanın eLearnSecurity şirkətinin sertifikatı kimi çıxır; adındakı "e" oradan gəlir.
2019 — INE eLearnSecurity-ni alır, sertifikatlar INE platformasına keçir.
Mart 2023 — eJPTv2. Köhnə imtahan tamamilə əvəz olunur: yeni domenlər, daha böyük lab, pivoting və web hücumlarına daha çox çəki.
Hazırda — sertifikat 3 il etibarlıdır; yenilənmə CPE kreditləri, daha yuxarı INE sertifikatı və ya imtahanın son versiyasını yenidən vermək yolu ilə olur.