1. müəllimənin sevimlisi olan qızdır. həmişə qabaqda oturur, çox vaxt da sinifkom olur. arxada oturan sinfin pis oxuyan və ən nadinc oğlanları bu qıza xəbərçi kimi baxırlar. çox vaxt da sinfin yaxşı oxuyan oğlanı bu qıza aşiq olur. əlifba bayramı kimi ibtidai sinif tədbirlərində aparıcı olur və ən çətin şeirləri o oxuyur. şeiri deyərkən intonasiyadan əlavə əl-qol hereketlerini və mimikanı da artıq dərəcədə istifadə edir. məsələn, şeirin "azərbaycan deyərkən ayağa dur ki..." bəndində oturduğu yerdən durmuş kimi edir, "nizaminin, fizulinin qəlbinə dəyər." bəndində isə əvvəl əllərini geniş açır sonra da sağ əlini ürəyinin üstünə qoyur. dərsləri yaxşı olmasına baxmayaraq müəllimənin yanına hazırlığa gedir. valideyni iki gündən bir məktəbə gəlir və müellime ile diger valideyinler arasında əlaqe rolu oynayır. məsələn, 8 marta pul yığılmalıdırsa intonasiya ilə şeir oxuyan qızın anası bu işi təşkil edir. müəllimənin ad günüdürsə bunu intonasiya ilə şeir oxuyan qızın anasına üstüörtülü deyir, intonasiya ilə şeir oxuyan qızın anası da axşam digər analara çatdırır. demək olar ki, hər məktəbdə ibtidai siniflərin sayı ilə düz mütənasib sayda intonasiya ilə şeir oxuyan qız var.

(baxma: intonasiya ile şeir oxumaq)