2. əslən fransız olan katolik əzizəsi (müqəddəs). 16 yaşında evindən ayrılmış yüzillik müharibənin gedişində fransız ordusuna qatılmış və ingilislərə qarşı vuruşmağa başlamışdır. deyilənə görə hələ 12 yaşında olarkən bir sıra müqəddəslərin ruhlarıyla əlaqəyə girmiş və onlardan onun fransanı qorumalı olduğu haqda direktivlər almışdı. orduya janna dark qoşulandan sonra müharibənin gedişatı dəyişir, fransızlar əhəmiyyətli qələbələr əldə edirlər. ancaq xəyanət nəticəsində ingilislərə əsir düşmüşdür. ingilislər onu kişi paltarı geyən kafir elan edərək diri - diri yandırmaqla edam cəzasına məhkum etmişlər. rəsmi tərtib edilmiş sənədlərdə göstərilir ki, bütün bədəni külə dönsə də ürəyini yandırmaq mümkün olmur. hətta ürəyi bir neçə dəfə odun toplayıb yandırsalar da yanmır. sonda 19 yaşlı qızın ürəyini bədənin külləri ilə birlikdə sena çayına atırlar. ölümündən təxminən 500 il sonra elə onu kafir elan edən kilsə tərəfindən əzizə elan edilmişdir