4. həyata baxışımı dəyişdirən, jan valjan kimi ən nadir və gözəl obrazlarından birini özündə əks etdirən dünya ədəbiyyatının məhək daşlarından biri sayıla biləcək roman. hamı bu dünyada jan valjan kimi olsa, vicdan, bağışlama və mərhəmət duyğularına malik olub onlardan istifadə etməyi bacarsa, hamı eyni cür, eyni imkanlarla yaşayar. hüqo bu əsərdə paris şəhərini çox tərifləyir, onun inkişafı üçün təkliflər verir, ətraflı bəzən oxucunu bezdirəcək miqdarda təsvirlər verir. iddaya görə o bunu parisi ən çox sevən fransız adını qazanmaq üçün edirdi və həyatda ən böyük arzusu parisin adının dəyişdirilib onun özünün ad və ya soyadlarından birinin qoyulması idi. bundan başqa əsərdə məşhur vaterloo döyüşünün də geniş təsviri var. bu dünyada yaşayan hər bir insanın ölmədən öncə mütləq oxumalı olduğu 3 əsər varsa, biri mütləq səfillərdir.