7. hal - hazırda oxuduğum orhan pamukun "kara kitap" romanı. 1 həftədir oxumağa başlamışam. pamukun yazı üslubunu bilənlər bilir ki, çox mürəkkəb və uzun cümlələrdən istifadə edərək yazır. hekayənin özünü yox, detallarını, qıraq - bucağını, hissləri, təəssüratları yazır. 442 səhifəlik kara kitap romanı hər gün müxtəlif aralıqlarla, 15 - 20 səhifə oxuyaraq sonra gedib gəzib başqa şeylərlə baş qatıb təzədən kitaba qurşanıb yenidən 15 - 20 səhəfə oxumaqla bitirməyə çalışıram. yəni birnəfəsə oxunub qurtarılası kitablardan deyil. əsl beyin gimnastikasıdır. buna baxmayaraq o uzun - uzun cümlələr zövqvericidir. ən azından müəllifin bunları yazarkən nə qədər düşündüyü, əziyyət çəkdiyi göz önünə alındıqda, əslində oxumağın yazmaq qədər böyük zəhmət tələb etmədiyi məlum olur.