6. toy kasetinə baxmağın sətiraltı * soz6 açıqlamaları, xüsusi izahları var. * bir dəqiqə, başımdakıları topluyum bir yerə

əvvəlcə onu qeyd edim ki, toy kasetinə baxmağın 3 səbəbi var:

1) toyda baş vermiş gülməli, maraqlı hadisələrə yenidən baxmaq

2) anaların, nənələrin öz oğulları, nəvələri üçün gözaltı etdikləri qızların özlərini necə apardıqlarını izləmək

indi isə gələk ən əsas səbəb olan 3cüyə. deməli, toy tam olaraq bizim düşündüyümüz kimi səbəbkarların * gəlin və bəy evlilik mərasimləri deyil. evlilik mərasimindən daha çox qadınların show qalmaqalıdır. qadınlar toya hazırlıq üçün kişilər kimi qısa vaxt sərf etmirlər. gəlin və bəyin yaxınlıq dərəcəsinə görə qadınlar üçün toya hazırlaşmaq 10-15 gündən bir neçə aya qədər uzana bilir. yəni səbəbkar çox yaxınıdırsa, qardaşı və ya bacısıdırsa bu bir neçə ay, ortabab yaxınlıqda və ya bir qədər uzaqdırsa 10-15 günə qədər çəkə bilər. və əlbəttə ki, hər bir qadın toyda ən gözəl o olmasını istəyir və bunun üçün dəridən qabıqdan çıxır. toy xüsusi podyumdur onlar üçün. oturarkən, durarkən, oynayarkən, yemək yeyərkən sanki 10larla kamera onları çəkib dünyanın 4 bir yanındakı telekanallara canlı yayımla ötürürmüş kimi hiss edirlər özlərini. halbuki, çəkən yalnız toydakı operatordur. və belə bir emosiyalar altında toyda iştirak edən hər bir qadın əlbəttə ki, digər qadınlara da yüksək dəqiqliklə diqqət yetirir. bayaqdan oturub durarkən öz hərəkətlərində fikir verdiyi hər bir detalı başqa qadınlarınki ilə müqayisə edir. və əlbəttə ki, xislətlərində paxıllıq olan qadınlar bu müqayisədən ya zövq alır, ya da paxıllıqlarından çatlayırlar. yəni müqayisədə ya üstün olurlar ya da əksinə. uzun sözün qısası, toy qadınların özlərini nüməyiş etdirmək üçün əllərinə düşən bir imkandır.

bir neçə saat ərzində toy başa çatır və qadınların show qalmaqalı sona yetir. indi burda çox incə bir məsələ var. yəqin ki, hamınız şəkil çəkdirmisiz. şəkil çəkdirən kimi ilk işimiz nə olur? "baxım, görüm necə çıxdı?" sualı ilə şəkili çəkənə hücum etmək. toy kasetinə də baxmaq eynilə bu effektdir. bir neçə saat ərzində o boyda özünü göstərəndən sonra qadınlar mütləq özlərinə kənardan baxmaq və toyda özlərini müqayisə edərkən nəzərlərindən qaçan digər qadınlara da baxmaq istəyirlər. burda əsas məsələ var: onlar əmin olmaq isdiirlər ki, toyda ən gözəl görünən kim idi? onlar kimdən gözəl idilər və kim onlardan gözəl idi.

(bax: qadın)