1. 28 days later filminin davamı 2007 - cil istehsalı rejissoru cuan carlos fresnadillo olan film. ilk filmdə dəhşətli regi virusunun bütün ingiltərəni bürüdüyünü görmüşdük. artıq o hadisələrdən 6 ay (28 həftə) keçib. vəziyyət nisbətən sabitləşib, natonun qüvvələri londona gətirilib, şəhər viruslulardan təmizlənib, əhali yoxlanılaraq şəhərə buraxılır. amma hər şeyin yaxşıya doğru getdiyi bir məqamda bir - birini yenicə tapmış ailənin üzvlərindən birinin viruslu olduğu məlum olur. və hər şey yenidən başlayır.
filmin musiqiləri olduqca möhtəşəmdir. 28 days later filmi ilə müqayisə edəcək olsaq mənə daha çox elə birinci (28 days later) filmi xoşuma gəldi. bəlkə serinin ilk filmi olduğuna görə belə ola bilər. amma o film daha inandırıcı idi. burda bəzi səhnələr var ki, məsələn atanın virusa yoluxma səhnəsi diqqətlə baxanlar bilir (hələ baxmayanlar diqqətlə baxsın) peşəkar çəkilməyib, ətrafında o qədər silahlı olduğu halda o virusu əsgərlərə yoluxdura bilir. fressnadillo birinci filmin rejissoruna nisbətən təcrübəsizdir və bu onun ilk ciddi filmlərindən biridir. amma ümumilikdə film uğurludur və janrının ən yaxşılarından sayılır. filmin sonunda verilən işarəyə əsaslansaq hələ 3 - cü davam filmi də olacaq.