3. kədərli insan taleləri, bunların bir oteldə kəsişməsi və bu kəsişmənin məsumiyyət dolu bir insanın həyatını, sonrakı taleyini şəkilləndirməsi haqqında film. ssenarisi və rejissoru zeki demirkubuza aid film rejissorun ən yaxşı filmlərindəndir. film kədərlidir, həm də çox kədərlidir. həbsxanada 10 il yatan, hətta həbs müddəti qurtardıqdan sonra çöldə nə edəcəyinə qərar verə bilməyəcəyini düşünərək ordan çıxmaq istəməyən yusufun kədəri, sevən, yalnız sevən, bu sevginin həyatını məhv etdiyini görə - görə sevən və sevgisinin dalınca gedən bekir, və başqa talelər. amma filmdə uğur və bekirin qızı çilemin lal - kar çilemin kədəri ən dəhşətlisidir. yalnız televizorun marağını cəlb etdiyi çilem danışa, ağlaya bilməməklə kədərin daha ağırını çəkməyə "məhkum olub" sanki. izlənməli türk filmlər siyahısı yaratsaq, ilk sıralarda ola biləcək filmlərdən, bir sözlə.