9. yazıçı jon krakauerin 1996 - cı ildə yazdığı christopher mccandlessin həyatından bəhs edən roman əsasında çəkilən film. bir yandan özünün təbiətcə macəra ruhlu olmasına görə, digər tərəfdən ailəsindəki vəziyyətin, münasibətlərin acınacaqlı olması səbəbindən, bir yandan da kapitalist dünyasındakı münasibətlərdən, pulun və bəzi başqa şeylərin yaxşılıq, xoşbəxtlik kimi dəyərlərdən daha öndə olduğu aləmdən qaçmaq arzusunda olan christopher mccandless təhsilini bitirib təbiətə səyahətə çıxır. əsas məqsədi isə alyaskada yaşamaqdır.
deyilənə görə, jon krakauer romanı filmdən daha möhtəşəmdir. amma filmi çox bəyəndim. təbiət mənzərələri, filmin musiqiləri, emily hirschin mükəmməl oyunu filmin bəzəyidir.
--spoiler--

filmin ən kədərli, insanı ən təsirləndirən səhnəsi - gerçək christopher mccandlessin özünün çəkdiyi şəkildir, hansı ki, bu şəkil həyatının sonuncu şəklidir, ölümündən bir müddət əvvəl çəkilib. filmdə də bu şəkildən istifadə olunması yerinə düşüb.

--spoiler--
rejissor sean penn mümküm olduğu qədər çalışıb ki, film real alınsın. maraqlı faktlardan biri, gerçək christopher mccandlessi maşınla alyaskaya aparan şəxs (qoca ağsaçlı deyil, filmin əvvəllərində christopher mccandlessə çəkmə bağışlayan şəxs) elə filmdə christopher mccandlessi alyaskaya aparan şəxsdir.