3. avropa ədəbiyyatında gustav flober ilə birlikdə realizmin banısi, "romanın şekspiri" sayılan fransız yazıçı - dramaturq. əsl adı honore balssadır, adını balzak olaraq dəyişdirmiş, əsil - nəcabət bildirən "de" sözünü artırmışdır. "bəşəri komediya" və ya "insan komediyası" adı altında 90 roman yazmışdır. bu romanlar arasında ən yaxşısı qəbul edilən və mənim də oxumaq şərəfinə nail olduğum əsəri "qorio ata" əsəridir.

klassik roman yazma qaydalarını və texnikasını ilk dəfə məhz balzak öz romanlarında işləmiş və özündən sonra gələn bütün yazıçılar bu texnikadan yararlanmışlar. olduqca güclü müşahidə qabiliyyəti və yaddaşı vardı. romanlarında səbəb - nəticə əlaqəsini, qəhrəmanların iç dünyasını olduqca güclü və inandırıcı formada işləməyi bacarmışdır. fransız inqilabı və ondan sonrakı dövrü öyrənmək üçün balzakın romanları sanki sənədli filmlərdir.
parisdə 7 ayrı - ayrı evdə yaşamış, bu evlərin hər biri əsl viranə şəraitdə olmuşdur. ilk əsəri olan "cromwell"i də bu evlərin birində yazmışdır. deyilənə görə bu evlərdə heç bir əşya olmamış, xəyalını qurduğu, olmasını istədiyi əşyaların adını vərəqə yazaraq vərəqləri evin müxtəlif yerlərinə düzmüşdür.

gələcəyi çox düşünmə, onsuz da gələcək. amma keçəcək olanları yaxşı düşün, çünki ağlından silinməyəcək.

hər böyük sərvətin arxasında bir günah gizlidir.

bir qadın sevdiyi kişinin başqası ilə xoşbəxt olduğu görməkdənsə, onu can verərkən görməyi üstün tutar.
honore de balzac