9. ateistlərin dindarlara tolerans göstərə bilməməsi ucbatından da ola bilər. özüm müsəlmanam. ətrafımdakı insanların 90%-i ateistdir, sevgilim belə ateistdir. lakin müzakirəlik mövzular olduğu zaman bir-birimizi incitmədən danışa bilirik. necə ki, kor bir insana xətrinə dəyməsin deyə "görmə əngəlli" deyirsənsə, inanan bir insana da onu incitmədən öz fikirlərini deyə bilərsən. ancaq çox hallarda belə olmur. bizim cəmiyyətdəki ateistlərin bir çoxu özünü hamıdan ağıllı hesab edir. onlara görə ateistlər daima kitab oxuyan, araşdıran və çox biləndir, müsəlmanlar isə dinin qayda-qanunu ilə yaşayan, özündən başqa hamının cəhənnəmdə yanacağına inanan, əsəbi, dininə söz deyəndə söyən, öldürən cahil yığınıdır. əslində belə deyil. islamın dərinliyinə gedəndə bu gün üzdə görünən islamdan daha fərqli olduğunu görəcəksiniz. bizim inandığımız allah sakit, təmkinli, başa düşən, səbrli insanları sevir. sən gəlib mənlə dinim haqqında nəyisə müzakirə etmək istəsən, edəcəyəm. güman ki, mənim də bilmədiyim şeylər çoxdur. sən iddialarını de, mən bildiyimi cavablayım, bilmədiyimi gedib araşdırım. yoxsa ki sən iki kitab oxuyub gəlib mənə sırf müsəlman olduğuma görə cahil damğası yapışdıracaqsansa, bir zəhmət, get özünü as, ən aciz insansan.
qaldı ki, inanıb-inanmamaq məsələsinə, sən inanmırsansa, bu öz işindir, mənim buna qarışmağa haqqım yoxdur. necə deyərlər, hər qoyun öz ayağından asılır. sənin günahına mən cavabdeh deyiləm. dinə inanmayanlar "kafir" adlandırılır, ancaq sırf inanmırsan deyə gəlib səni öldürmək haqqına sahib deyiləm mən. nəticədə səni mən yaratmamışam, canını almaq da mənim boynuma düşmür.
son olaraq, hörmət görmək istəyirsinizsə, hörmət etməlisiniz. insanlara dininə görə yox, insanlığına görə qiymət verək. peace.