1. 2007 - ci il istehsalı rejissoru mike binder, baş rollarında adam sandler, don cheadle və çox bəyəndiyim liv tylerin oynadığı dram filmi.

film 3 uşağını və həyat yoldaşını təyyarə qəzasında itirən charlie və universitetdən dostu olan alanın həyatı barədədir. charlie bu ağır itkini unuda bilmir, ağır psixoloji travma yaşayır, dostu alan isə ona kömək etməyə çalışır. alanın özünün xoşbəxt ailəsi və işi var, amma o da özünü tam xoşbəxt hiss etmir. və beləliklə bu iki dost tez - tez baş verən mübahisələrə və anlaşılmazlıqlara rəğmən bir - birini tamamlamağa çalışır. əslində alanın bu məsələdə rolu daha çoxdur, o var gücü ilə dostunu həyata qaytarmağa çalışır, bu işdə psixoloq angelanın (liv tyler) yardımından istifadə etmək istəyir.

filmdə charlienin faciəvi taleyi və bu obrazın adam sandler tərəfindən mükəmməl oynanışı filmi kədərli edir. amma yer - yer komediya elementləri də var. bundan başqa filmdəki musiqi seçimləri olduqca mükəmməldir. filmin imdb xalı - 7.5