1. 1840 - 1902 - ci illərdə yaşamış fransız yazıçı, naturalizm ədəbi cərəyanının yaradıcısı.

adı fransız dilində émile zola kimi yazılır, dilimizə emil zolya kimi çevrilmiş, ədəbiyyatlarda bu ad kimi qalmışdır.

ruqon - makkar ailəsi haqqında yazdığı 20 roman və "mən ittiham edirəm" adlı məqaləsi ilə məşhurdur. məqalə beynəlzalq aləmdə çox məşhurdur və " dreyfus işi" barədədir. fransız ordusunda xidmət edən kapitan dreyfus yəhudi olması səbəbiylə hərbi məhkəmədə işinə ədalətsizliklə və səhlənkarlıqla baxılmış, alfred dreyfus haqsız yerə casusluqda ittiham edilərək sürgün edilmişdir. emil zolya birbaşa fransa prezidentinə ünvanlandığı "mən ittiham edirəm" adlı məqaləsində bu haqsızlığa kəskin etiraz etmişdir. bu da ona dövlət tərəfindən təzyiqlər edilməsinə səbəb olmuş və buna görə zolya ingiltərədə yaşamağa başlamışdır. burda da işini davam etdirmiş və dreyfus işinə yenidən baxılıb ədalətin yerini tapmasına səbəb olmuşdur. bu hadisələrdən sonra vətəninə qayıtmış və parisdə qaldığı oteldə dəm qazı zəhərlənməsindən ölmüşdür. ölümünün sui - qəsd olduğu iddiaları var.

ən məşhur romanları
"(bax: nana)"
"(bax: ədalət)"
"(bax: germinal)" və başqalarıdır.

"qabiliyyət yoxdursa, sənətkar olmaq olmaz. amma işləmədikcə, qabiliyyət heç bir işə yaramaz" - emil zolya