10. balaxanı maşınqayırma zavoduna evdәn 1,5-2 saata ayaqla getmәk idi mәnimçün. o vaxt avtobusa belә vermәyә pul tapmaya bilirdik. atamnan yeriyə yeriyә gedirdik zavoda. düzü yolun yarısından sonra mәn papanın ya çiynindә, ya da qucağında gedirdim. işin başlanğıc vaxtına gedib çatırdıq, bığlı әmilәr dairәvi formada zavodun girişindә dayanıb söhbәt eliyirdilәr. hәr dәfә dә, mәnim papanın çiynindә gәlmәyinә söz atırdılar. "ә, kişi deyilsәn, niyә özün gәzmirsәn?" zad. zarafat eliyirdilәr işte, öz alәmlәrindә. papa işlәyәnә qәdәr, mәn zavodun yemәkxanasının әtrafında başımı qatırdım. köhnә traktorlara, yük maşınlarına falan dırmaşırdım. ciddi-ciddi özümü möcüzәlәr diyarında hiss eliyirdim orda. nәhәng maşınlar, kranlar, traktorlar zad. tәkәrlәrinә dırmaşana qәdәr canım çıxırdı. yerdәn çox qәribә formalı dәmir, cihaz hissәlәri zad tapıb, onlarla başımı qatırdım. sonra günorta yemәyi vaxtı hamı gәlirdi yemәkxanaya. bir dәnә dә pişik var idi, yemәyimin yarısı ona gedirdi. it dә var idi hәyәtdә, ancaq elә o vaxtlardan itdәn qorxduğum üçün, çox hәşir-nәşir olmurdum.

zavodun işi artıq zәiflәmişdi. 97ci falan idi. papa çox vaxt yemәkdәn sonra bekar qalırdı. 6ya kimi başımızı qatıb, sonra evə gәlirdik. evә gәlәndә hәmişә ya qara volqa ilә, ya da qәhvәyi moskviç ilә gәlirdik. papanın iş yoldaşları idi. sonra, sәhv elәmirәmsә moskviçi sürәn adam qәzada öldü. 1998 ya 99da papa artıq zavodun istehsalat şöbәsinin müdir müavini idi. özünün otağı, 2 katibәsi var idi * ehehe . artıq zavoda gedәndә, mәn katibәlәrin yanında oturub, yazı maşınının anasını ağladırdım. bu türklәrin daktilo dediklәri şeylә. belә bir sәtir yazırdın, kağız sola hәrәkәt eliyirdi yazıldıqca. sonra bir sonrakı sәtirә keçmәk üçün üstdәki qurğunu kağızla bir yerdә sağa dartırdın. o gün retro mallın açılışında da gördüm eynisindәn. nәysә, 1999-2000li illәrdә zavod çöküşә doğru gedirdi. xarici şirkәtlәr azәrbaycanda istehsal vә emal sәnayesini sikib çevirmәyә başlamışdılar. әslindә bu prosesin tәmәli 1996da atılmışdı, əsrin müqaviləsi ilә. artıq zavod işcilәri zavoddan dәmir oğurluyub satırdılar. nәysә işte, 2000 ya 2001dә papa artıq işə getmirdi. ancaq indiyə qәdәr dә adı eyni vәzifәdә gedir. guya iş var da -*