9. məktəbdə oxuyan zaman özümdən hər hansısa bir inşa yazdığımı xatırlamıram. adətən ya kitabdan köçürərdim, ya da evdəkilərə yazdırardım. belə yola verirdim. yazılan inşaya hazırlıqsız yaxalanmaqsa bir başqa dərddir. burda söhbət inşanı yazmadığından getmir, yazılanı oxumadığından gedir. məllim səni qaldırır ki, dur inşanı oxu görüm nə yazmısan. vərəqi açırsan oxumağa başlayırsan. və ilk cümlədən sinif uşaqları gülürlər. içindən bu nə inşadı ala yazıblar demək keçir. beş-altı sətirdən sonra vərəqi qatdalayıb atırsan stolun üstünə. taley, sən etdiyini qabağıva çıxardır elə bil. çünki, evdəki həmən şəxs də inşaya dəxli olmayan bir şeyi kitabdan köçürübmüş. o vaxtı da olmasa, indi anlıyırsan ki, bəlkə də oyuna gətirilmisən.