2. lazımsız insan deyilən insan növü yoxdur. sadəcə sənə uyğun olan və ya olmayan insan var. əgər bir insanı bəyənmirsənsə, onun hərəkətləri səni qıcıqlandırırsa o insan sadəcə olaraq sənə, xarakterinə uyğun biri deyil. əgər ona lazımsız insan damğası vurursunsa, bu artıq sənin şişən eqondan irəli gələn məsələdir. lazımsız insan ifadəsi onun birbaşa bu dünyada yaşamağının lazımsız olduğu mənasına gəlir. beləliklə, sən bir insanı bəyənmirsən deyə, o sənə uyğun deyil deyə onun yaradılışının və yaşamağının lazımsızlığını irəli sürürsən.
məsələnin digər bir tərəfi bundadır ki, ən vecsiz, iyrənc, əxlaqsız bir insan belə yaşayırsa, bunun bir məqsədi var. belə bir yaxşı söz var: "yaxşı ki, pislər var, yoxsa yaxşıların qədri bilinməzdi". həyatda qarşılaşdığımız, internətdə rastlaşdığımız, televiziyada gördüyümüz hər bir pis, neqativ və ya bu başlığın adı ilə bəzilərinin "lazımsız" adlandırdığı insanlar bizə bir daha ailəmizin, dostlarımızın, bizə dəyər verənlərin necə dəyərli olduğunu xatırladır. yəni onlar özlüyündə ibrət alınası bir modellərdir bizlər üçün.