7. 3 debatın hər üçünə baxan bir izləyici kimi bir məsələni müşahidə etmişəm. debatda 10 nəfər prezidentliyə namizəd çıxış edir, bu namizədlərdən minimum 5 - nin çıxışı cəmil həsənlinin özünün və çıxışının tənqidinə yönəlir. bunu xüsusən zahid orucun, qüdrət həsənquliyevin, araz əlizadənin, yap nümayəndəsinin çıxışlarında müşahidə etmişəm. mən bilən qədəri ilə prezidentliyə namizədin çıxışı ona yönəlməlidir ki, o prezident seçilərsə, nə edəcək, platformasını izah etməlidir. yəni xalqı inandırmalıdır ki, məhz onun prezident seçilməsi xalq üçün daha yaxşı nəticələr verəcək. amma debatda namizədlər belə etmir, sanki bir mərkəzdən idarə olunurmuşlar kimi, kiminsə tapşırığını icra edirmişlər kimi cəmil həsənlini müzakirə obyektinə çevirirlər. bunu xüsusən qüdrət həsənquliyevin çıxışında müşahidə etmişəm. ta birinci debatdan cəmil həsənlinin gah yazdığı kitabdan nümunələr gətirir, gah keçmiş fəaliyyətindən söhbət açır. bir sözlə, məqsədi odur ki, cəmil həsənlinin fikrini dağıtmaqla onu əsas çıxışından ayırsın, ona baş qoşmağa məcbur etsin.