1. dilimizə " velosiped oğruları" kimi tərcümə olunan dünya kino tarixində ən mükəmməl hesab olunan filmlərdən biri. rejissor italyan vittorio de sicadır, istehsal tarixi 1948 - ci ildir. müharibədən sonra roma əhalisi, onların psixologiyası, yaşayışı, müxtəlif insan dramları, yoxsulluq vəziyyətində insanların bir - birinə nələr edə biləcəyi və s. məsələlər filmin əsas mövzusudur. qısa sujetə gəldikdə, çətinliklə iş tapa bilən antonio ricci öz velosipedi ilə roma küçələrində gəzir və divara afişalar yapışdırmaqla məşəuldur. bir gün ani diqqətsizliyi nəticəsində velosipedi oğurlanır. antonio ricci balaca oğlu bruno ricci ilə birlikdə roma küçələrini gəzərək velosipedini axtarmağa başlayır. hətta velosipedini tapmaq üçün bir zamanlar xanımını falçıya inandığına görə cahil adlandırdığına baxmayaraq falçıya belə gedir. film italyan kino sənayesinin dünya kinosuna qazandırdığı ən gözəl incilərdən biri hesab olunur. filmdə çəkilən aktyorlar həvəskarlar idi. bruno ricci isə olduqca şirindir və aktyorluq baxımından atasından qətiyyən geri qalmır. film imdb top 250 filmlər siyahısında 89 - cu sıradadır. klassik filmləri sevənlər mütləq izləməlidir.