252. metamorfoz nəticəsində "əmələ gələn" yeni versiyasını sevmədiyim sözlük.
"90-cı illərdə buralar belə deyildi", "savetin vaxdında millət ac qalmırdı" və s. kimi söhbətlərə girməyəcəyəm. mənim gördüyüm, - bəlkə əvvəldən var idi, təzəlikcə partizan olmuşam deyə indi çox gözümə girir - dilin ana-bacısı ilə həddindən artıq çox gecələnir. söhbət hamının redaktor həssaslığı ilə yazmağından da getmir. sadəcə, türkcə olan məsəlləri, referansları və s. entry içində işlətməkdən gedir. entry-nin içində "abi" sözünü görəndə, "amk" sözünü görəndə, "mını skyim" görəndə, ya da başqa türkcə ifadələr görəndə cin vurur beynimə. "ə sənin özünün belə yazıların yoxdur?" deyirsinizsə, böyük ehtimal var. sadəcə, düzəltməyə, diqqət göstərməyə çalışıram. sözlük, hərhansısa dostumuza necə gəldi mesaj yazdığımız kimi "zaaaaa xd"li bir şey yaza biləcəyimiz bir şey deyil. bunu mən demirəm, format deyir.
bütün bu xarici dillərdəki * xüsusilə türkcə ifadələri ulduz və s. içində göstərmək olar. sadəcə, bir az diqqət tələb edir.
"danışmadan əvvəl 2 dəfə düşün" sözü, "yazmadan əvvəl 2 dəfə düşün" kimi olmalı imiş.