28. yayqın olduğu hər bir cəmiyyətdə problemlərə, məzhəblərarası savaşlara, savadsızlığa, ədalətsizliyə, yalançılığa, natəmizliyə yol açan dindir. məşhur olmadığı yerlərə də ziyanı dəyməmiş deyil. belə ki, digər dinləri aşağılamaqla, onları dəyişilmiş və lənətlənmiş kimi qələmə verməklə özünə inananları provakasiya edib cəmiyyətdə nifaq salmaq, terrorist əməllər törətmək üçün yönləndirir.

bu cür halların anormal olduğunu dərk edən xoşniyyətli müsəlmanlar isə dogmatic təriqətin cəzalarından qorxaraq səhvi dində deyil, insanlarda axtarır və son nəticə olaraq əsl islam bu deyil deyib söhbəti sonu olmayan dərəyə yuvarlayır. ən yayılmış bəhanə isə quranın ərəb dilində yazılması və onun dəqiqliklə başqa dilə tərcümə edilməsinin qeyri-mümkün olmasıdır.

o zaman belə bir sual ortaya çıxır ki, məgər islam sadəcə ərəblər üçünmü göndərildi? daha doğrusu ərəb dilini mükəmməl bilən ərəblər üçünmü? bəs bizə deyilmişdi ki, islam hər kəs üçündür. məgər allah bilmirdimi ki, quranın fərqli interpretasiyaları fərqli məzhəblər yaradacaq və milyonlarla insanın qanını tökəcək? olmazdımı ki, quran elə bir dildə yazılardı ki, istənilən bir insan onu açıb oxuduğu zaman əsl mənasını başa düşərdi?... axı məncə bu qədər də absurd bir fikir deyil, axı allah hər şeyə qadirdir, axı o musanın əsasını ilana çevirib, axı o dənizi ikiyə ayırıb, axı o var olan hər şeyi yaradıb...

sözsüz ki, yuxarıda sadaladığım xüsusiyyətlərə görə heç bir müsəlmanı təhqir etmək və yaxud onların xətrinə dəymək istəmirəm. ən azından ona görə ki, yaşadığımız mühitdə bizdən soruşmadan bizi müsəlman edirlər. seçim şansı olmayan bizlər isə alnımıza vurulmuş bu "damğa"dan xilas ola bilmirik. bu, heç də islamdakı yanlışlıqları görmür, gördüklərimizi isə sorğulamırıq anlamına gəlmir. sadəcə, ətrafımızdakıların bizi anlamayacaqlarından, onların bizdən inciyəcəklərindən, bizdən imtina edəcəklərindən ehtiyatlanırıq. məhz bu səbəbdən taleyimizə boyun əyib islamla barışırıq; sonda isə özümüz həmin o "ətrafımızdakılar"dan biri oluruq.