1. iran şahının son hakimiyyət illərində doğulan bir qızın tarixi hadisələrin inkişafı ilə həyatının necə alt-üst olmasından bəhs edən bir filmdir. bədii film deyil. cizgi filmdir. bilmirəm animasiya filmi demək olar ya yox. nəysə burası önəmli deyil. 2007-ci ildə fransada istehsal olunub.
möhtəşəm süjet xətti var. şahın dövründə modern yaşasalar da insanlar ölkədəki vəziyyətdən narazıdırlar. qəhrəmanımızın uşaqlıq illəri inqilab dövrünə düşür. sonra islamistlərin hakimiyyətdə güclənmək üçün, əks-inqilabi qüvvələrlə mübarizə adı ilə əhalini represiya etməsi. represiya zamanı qəhrəmanımızın qohumlarının öldürülməsi, hansılar ki, inqilabçılar idilər, amma islamist deyildilər. molla rejiminin ağla-sığmaz qadağaları. iraqın irana müharibəsi. vəziyyətin daha da dözülməz olması. və s. hamısını deməyim. bir həyat necə alt-üst olur, əla göstəriblər. və bunda günahkar təkcə molla rejimi deyil...
baxmağınız məsləhətdi. süjet xətti əladı. o değil de uşaq vaxtlarını göstərəndə bacım yadıma düşdü. evdə dəcəllik eliyir, üstünə qışqırıb dayanmasını istəyirlər. bu da səsini aşağı salıb dəcəlliyinə davam eləyir. guya bu ağıllıdı da. bacım da eyni ilə elədi. filmə baxanda biləcəksiz nədən danışıram.