5. "mən lgbt-yəm" deyib siyasətə atılmayacaqsa, normal baxdığım məsələdir. yəni sırf lgbt olduğu üçün siyasətə girməsin. düşünülməsin ki, bu adam lgbt-dir, bunu məclisə çıxardaq, onların haqqlarını müdafiə edər zad. normal biri kimi siyasi fəaliyyətini aparsın, kimin haqqını istəyir müdafiə etsin. demək istəyirəm ki, bu cinsi orientasiyanın reklam olunmasına qarşıyam. mən deputat olmaq istəyəndə heteroseksualam deyirəm?* deputat seçilmək sadəcə bir misaldır. o şəxs yalnız biliyinə, diplomatik bacarığına və s. özəlliklərinə görə məşhurluq qazansın, gündəmdə olsun. lgbt olduğuna görə yox. elə gezi hadisələrində lgbt-nin ayrıca bir qrup kimi etiraz etməsini də bəyənməmişdim. mən başa düşdüyüm qədəri ilə onların dərdi, cəmiyyət tərəfindən diskriminasiya olunmaqdı. normal qarşılanmaq istəyirlər, cəmiyyətin bir parçası olduqlarını göstərmək istəyirlər. amma hərəkətləri tamam başqa istiqamətə yönəldir onları. hər yerdə mən lgbt-yəm haqqlarım tapdalanır filan deməklə özləri özlərini cəmiyyətdən qoparırlar. hələ bir yerdə "proud to be gay" görmüşdüm. kiminsə heteroseksual olması ilə fəxr elədiyini, ən azından bunu nümayiş elədiyini görməmişəm. bunlar onsuz da cəmiyyətin bir parçasıdırlar. kimsə əgər onları sırf lgbt olduqları üçün işdən qovur, ya bir vəzifə tutmalarına mane olursa, buna qarşı adi vətəndaşın aparacağı mübarizədən aparmaq lazımdı. o səni cinsi orientasiyanı ələ alıb hansısa haqdan məhrum edirsə, sən də cavab olaraq yenə cinsi orientasiyanı ələ alıb cəmiyyətdən fərqlənmədiyini, buna sənin də haqqın olduğunu göstərməyə çalışırsan. burda nəsə məntiqi xəta var. cəmiyyət lgbt-ni bir addım geri itirsə, lgbt də belə ayrıca qruplaşma ilə daha bir addım geri getmiş olur. işverənim məni qulağım yekədir deyə işdən qovsa, mən qulağı yekələrlə birləşib haqqımız tapdalanır demirəm. sadəcə ərinmirəmsə şefimi məni iş prosesinə dəxli olmayan bir özəlliyimə görə qovdu deyə məhkəməyə verirəm. məsəlçün yəni.
sözümün canı odur ki, kim ki "mən lgbt-yəm, siyasətə gəlməliyəm, bizim hüquqlarımızı müdafiə etməliyəm" deyir, onu görəsi gözüm yoxdur. kim ki savadlıdır, siyasətdə xeyir verəcək adamdır, gəlir, amma hardansa məlum olur ki, lgbt-dir. o xoş gəlib, səfa gətirib. ona bir sözüm yoxdur. nəticə etibari ilə nə siyasilərin, məşhurların, nə də dost-tanışımın cinsi orientasiyasının mənə dəxli yoxdur. mənim nə qozumadı filankəs gecə yataqda kişiylədi, ya qadınladı, yoxsa toyuq zorlamaqla məşğuldu. intim məsələlərdi, gizlində qalmalıdırlar. heç birimiz kimləsə tanışanda soruşmuruq heteroseksualsan ya yox. insan bu orientasiyasına görə dəyərləndirilə bilməz. bu ona xüsusi bir məqam verməz.