6. "no future!"

punk, fəsəfəsini özünə aşılayaraq intihar etməyi seçmişdi. intiharından qabaq isə arxasında nihilizm və xaos dayanırdı. punk kimi topluluqlar, bütün zamanlar üçün yaranması olan boşluqlardan idi. insani ehtiyac halına gələn etiraz, ayaqlanma, qarşı olmaq, yox demək, punkın ingiltərə ərazisində yaranmasıyla nəticələndi. amma bu məlumatların səhv olma ehtimalı da yüksəkdir. nəticə olaraq mənbələrə əsasən punkın ataları 75 ingiltərəsinin anti faşizan, anti kapitalist, polis qarşıtı bir neçə nəfərdən qurulan sex pistols idi. illegallıqla özünü qıdıqlayan bir kulturanın legallaşması paradoksuna görə, punkın tarix olaraq daha gerilərdə yatdığına inanıram. ingiltərədə yaranan sosyo-politik çaxnaşmalar, günlərlə davam edən işçi sinifi qrevləri, gettolarda, tərk edilmiş qatar stansiyalarında aclıqdan ölən ölkə vətəndaşları, immiqrantların varlığı, etiraz dalğası olaraq bir neçə hərəkatı yaratmışdı. politik anlamda yaranan bu hərəkatların bəziləri mərkəzi küçə divarlarında marksist mesajlar verir, bəziləri yeraltına çəkilərək molotovlarla strategiya planlaması qururdular. punk isə təməlində bəsit tonlamalı musiqisiylə, nihilistik insanların etiraz forması halına gəlmişdi. ingilis anarxiyası bu axımla güclüləşdi. heç bir maddi yardımları olmadan, ticarətin və reklamın fahişəsinə çevirilməmək əsas prinsipləri olmalıydı, istisnaları çıxsam, oldu da. zamanla punk yaşam tərzi halına gəldikcə, avtoritarizmin onlarla başlayan mübarizəsi ölkəni hardasa iki hissəyə bölmüşdü. amma avtoritarizm öz sərhədləri çərçivəsində qaldığı üçün, punk rahatlıqla dünyaya açılmağı bacarırdı. anarxiyanın terrorizm, anarxistin terrorist damğalarıyla qarşılaşdığı və ağırlıq təşkil etdiyi illər punkın bu dayandırılmaz çağlarına təsadüf edir. 79cu il gəlir və pistols dağılır. bu dağılmadan sonra hərkəsi fikirləşdirən tək sual punk idealogiya və fəlsəfəsinin bundan sonra hansı istiqamətdə ilərləyəcəyi olur. pistols zamanın inqılabı olduğu üçün, demək olar ki alternativləri yox idi və 79un ortalarında onların yox olması (nihilizmə çatmaqları) punkın gələcəyini sual altına qoymuşdu. punk is dead?
sonradan, qısa quraqlıq dönəmindən sonra alternativ qruplar çıxmağa başladı və imiclərin inkişafında fərqlər hissedildi. ilk yarandığı ildən etibarən yox dedikləri və dəstəklədikləri prinsiplərə böyük ölçüdə dəstək verildi. amma punkın intiharı onun öldüyü yox, komada olduğu mənasına gəlir.
not baby, punk is not dead, punk is not dead...