1. azərbaycanda mənim üçün ən yaralı mövzu. müxtəlif mənbələrdə tikilməsi 1874, 1880 və 1886-cı illərə aid edilən penitensiar müəssisə. deməli azərbaycanda əvvəllər cinayətkarların cəza çəkmə yeri üçün nargin adası nəzərdə tutulurmuş ki, daha sonra bayıl həbsxanası yaradılır və hər kəs burada cəza çəkməyə başlayır. həbsxananın 39 saylı kabinetində stalin hətta bir müddət həbsdə olur, repressiyaya gedənlər ilk əvvəl bura gətirilir, ölüm kamerasında güllələnmələr həyata keçirilir. amma sonra nolur? dağıdılıb yerində bayraq meydanı düzəldilir. alkatrazın yəqin ki indi abş-da muzey olduğunu bilirsiniz, türklər də elə menderesin güllələndiyi imralı adasındakı bölgəni saxlayırlar. olmazdımı ki bizdə orda muzey yaradaq? tarix heyif olub, getdi. orda müşfiqin, seyid hüseynin və onlarla digər insanın naləsi var, hansı nalənin ki üstündə eurovision-da mahnı oxudular, əyləndilər.