4. dinin insanlar tərəfindən yazılan qayda qanunlar olduğunu düşünən şəxslərin fikridir. məsələnin zahiri, görünən tərəfidir. amma qüsurları var bu fikrin . çünki din və inanc məsələləri sadəcə yazılı və mərasim adətləri olmadığı kimi, heç də sadəcə istismar və idarəetmə vasitəsi olmayıb. məsələn erkən xristianlar təxminən 300 il heç bir ciddi idarəetmə və kilsə birliyinə sahib olmayıblar. ta ki roma imperiyası xristian inancını və qaydalarını leqallaşdırıb, öz qanunları vasitəsilə bunu məqbul elan edib və daha sonralar xristianlıq tədricən idarəetmə vasitəsinə çevrilib.

dindarların fikrincə din təbiət qanunları kimi ayrıca fövqəlinsan (insan üstü) qanunlar kimi qəbul edilir. bu məntiqlə inanan insanların hər doğulan uşaq islam fitrəti üzərə doğulur deməsi təəccüblə qarşılanmamalıdır. fitrət bir mənada da təbiət demək olduğuna görə müsəlman sözünün mənası həm də yaradana təbii təslim olan adam deməkdir. yəni insan yaradılmış olduğu üçün öz yaradanına tabe halda doğulur. sadəcə yaxşı və pisi seçəçək həddə gəldikdə bunu əqli və vicdani olaraq təsdiq yaxud inkar edir