+2 əjdaha
1. original adı "submarine" olan joe dunthorne romanı.bir dostun hədiyyə verdiyi bu kitabın adı kifayət qədər cəlbedici idi. internetdə biraz araşdırandan sonra uelsli müəllifin - joe dunhornenin adada kifayət qədər ün saldığı, bəzi mükafatlar qazandığı və s. öyrəndikdən sonra kitab daha da maraqlı gəldi.
roman 15 yaşlı yeniyetmə oliver teytin gündəlikdə qeyd etdiyi həyatından bəhs edir. bu yeniyetmə bizlərə fantastik dərəcədə gələ biləcək qədər intellektlidir. hər gün internetdə, ensiklopediyalarda mənası adi məişətdə bilinməyən sözlərin, terminlərin mənasını öyrənir, əzbərləyir. zatən kitabın fəsilləri də bu çətin terminlərin adları ilə adlandırılıb. məsələn: dekapitasiya, delikt, triskaidekaphobia və s.
oliver teytin valideynləri ilə münasibətləri, ana və atasının seks həyatını izləməsi, onlar üçün şəhvətartırıcı xüsusi reseptlərin hazırlaması, sevgilisi cordana ilə münasibətləri və s. romanın əsas mövzusudur.
çox şeylər gözləyərək oxuduğum roman olacaq ki, sonda mənə o qədər də təsir etmədi. sadəcə böyük britaniyada yeniyetmələrin həyatı, düşüncə tərzi, valideynlərlə uşaqlar arasındakı münasibətləri öyrənmək baxımından maraqlı roman ola bilər. roman adının haqqını verir. original adı "sumarine"ni dəyişib "oliver teytin intim gündəliyi" qoyaraq naşirlər ticari mənfəətləri güdür sözsüz, amma digər yandan kitabda intim səhnələrin bir neçə yerdə detallı formada təsvirini nəzərə alsaq, adı uğurlu hesab etmək olar.