+2 əjdaha
1. raqif raufoğluna məxsus, sözləri ilə oxuyucunun ürəyinə yara açan şeirdir.nərmin mustafayeva adlı xanım tərəfindən, gözəl bir ifa ilə yadda qalacaqdır.
(youtube: 
)
)Sənin sağlığına içirəm Vətən!
Sirr verdim, sirr aldın, sirr əsirgədin,
iki istəyirdim, bir əsirgədin,
Mənə bir qucaqlıq yer əsirgədin,
Mən səni tərk edib köçürəm vətən!
Baxıram, bu həmin çəmənlik deyil,
Bu kişilik deyil, ərənlik deyil,
Ehtiyac, köləlik, bu mənlik deyil,
Qaçıram buradan, qaçıram vətən!
Bəs necə dolanım mən başıdaşlı,
Övladım çox kiçik, böyüyüm yaşlı.
Qürbət sərhədinə mən gözüyaşlı,
Arxama baxmadan keçirəm vətən!
Yadlara payladın sən öz varını,
Millətin kim verir gör qərarını?
Hüdudsuz bildiyim torpaqlarını,
Indi qarış- qarış ölçürəm vətən!
Bu qərib diyarda mənimlə tənsən,
Mən varlıq içində uçuram vətən,
Sənsizəm, yoxsulam, axı vətənsən,
Sənin sağlığına içirəm vətən!...