1. müqavilə ərəb sözü olub kökündə qavl ifadəsi var bu isə danışıq deməkdir. müqavilə isə razılaşmaq deməkdir. bizim dildə "söz vermək" buna uyğun gəlir. dilimizdə müqavilə fərqli mənada işlənir;

müqavilə - iki tərəf arasında işlərin razılığıdır. mülki hüquqda – iki və ya bir neçə şəxsin (fiziki və ya hüquqi şəxslərin) mülki hüquq və vəzifələrinin müəyyən edilməsinə, dəyişməsinə və ya xitam edilməsinə yönəldilmiş saziş. iştirakçıların sayından asılı olaraq müqavilə ikitərəfli və çoxtərəfli olur. müqaviləyə görə bir tərəf üçün yalnız hüquq, digər tərəf üçün isə yalnız öhdəlik yarandıqda müqavilə birtərəfli (məs. borc müqaviləsi), hər iki tərəf üçün həm hüquq, həm də öhdəlik yarandığı halda müqavilə ikitərəfli (məs. alqı-satqı müqaviləsi, daşınma müqaviləsi) adlanır. formasına görə müqavilə sadə və notarial təsdiqli olur. bəzi müqavilələr notariusda təsdiq olunmalıdır.